ഹൃത്തില് കത്തിച്ചൊരായിരം പൂത്തിരികളുമായ്
ക്രിസ്തുമസ് ഇതാ വീണ്ടും വന്നീ ധനുമാസരാവില്
ഇരുളകറ്റി പ്രകാശ പ്രഭ പരത്തി എന് നാവിലേശു
നല്കി ഉറക്കെ പാടുവാന് ഇമ്പമേറും ഗാനങ്ങളും
ഉണ്ണി യേശു പിറന്ന നാളെത്ര സുന്ദരം, മാനവര്ക്കും
അതി സന്തോഷം രക്ഷകന് തന് അത്ഭുത ജനനം
പാപത്തിന് ഇരുളില് കഴിഞ്ഞ മാനവര്ക്കൊരു
പ്രത്യാശയായി, ത്യാഗമായി തീരുവാന് വന്നവന്
ശത്രുവിനെ സ്നേഹിപ്പവതെന്തിനെന്നു ചോദിക്കവേ
ചൊന്നവനെന്നോടു "നിന് ശത്രുവുമെന് സൃഷ്ഠിയത്രേ
സ്നേഹിക്ക! സ്നേഹിക്ക! ഏഴു ഏഴുവത് വട്ടത്തോളം
ക്ഷമിക്കുകയെന്നാല് പൊറുക്കാം നിന് പിഴകളോരോന്നും"
അത്ഭുത മന്ത്രി, വീരനാകും ദൈവം പിന്നെ
സമാധാനത്തിന് പ്രഭു എന്നു ലോകമറിഞ്ഞു അങ്ങയെ...
സകല ലോകര്ക്കും നിത്യ ജീവന് കനിഞ്ഞു നല്കി
സ്നേഹത്തിന് മാതൃകയായി മാറിയ നിനക്കെന് പ്രണാമം!