കനക ദുര്‍ഗ്ഗയെ വീട്ടിലേക്ക്‌ കൊണ്ടുപോകാന്‍ വിസമ്മതിച്ച്‌ ഭര്‍ത്താവ്‌
Published on 22 January, 2019
ശബരിമല
ദര്‍ശനം നടത്തിയ കനകദുര്‍ഗയുടെ ജീവിതം പ്രശ്‌നത്തില്‍. കനകദുര്‍ഗയെ
വീട്ടിലേക്ക്‌ കൊണ്ടുപോകാന്‍ ഭര്‍ത്താവിന്‌ താല്‍പര്യമില്ല.
പോലീസ്‌
ആവശ്യപ്പെട്ടിട്ടും ഭര്‍ത്താവ്‌ കൃഷ്‌ണനുണ്ണി
കൂട്ടാക്കിയില്ല.ഇതേതുടര്‍ന്ന്‌ കനക ദുര്‍ഗയെ പെരിന്തല്‍മണ്ണയിലെ 'വണ്‍
സ്റ്റോപ്‌ സെന്ററില്‍' പൊലീസ്‌ പ്രവേശിപ്പിച്ചു.
മര്‍ദനമേറ്റ്‌
കോഴിക്കോട്‌ മെഡിക്കല്‍ കോളെജ്‌ ആശുപത്രിയില്‍ ചികിത്സയില്‍
കഴിയുകയായിരുന്നു കനകദുര്‍ഗ. തിങ്കളാഴ്‌ച വൈകീട്ടെത്തിയ കനകദുര്‍ഗയെ
കൂട്ടിക്കൊണ്ടുപോകാന്‍ പോലീസ്‌ ആവശ്യപ്പെടുകയായിരുന്നു.
ആശുപത്രിയില്‍
നിന്ന്‌ പെരിന്തല്‍മണ്ണയില്‍ എത്തിയ കനകദുര്‍ഗയെ വീട്ടിലേക്ക്‌
കൊണ്ടുപോകാന്‍ ഭര്‍ത്താവ്‌ വിസമ്മതിക്കുകയായിരുന്നു. തുടര്‍ന്ന്‌ എസ്‌ഐ
ടി.എസ്‌. ബിനു ഇടപെട്ടാണ്‌ 'വണ്‍ സ്റ്റോപ്‌ സെന്ററില്‍' രാത്രി വൈകി
എത്തിച്ചത്‌.
അതിക്രമത്തിനിരയാകുന്ന പെണ്‍കുട്ടികള്‍ക്കും സ്‌ത്രീകള്‍ക്കും
താല്‍കാലിക സംരക്ഷണവും നിയമബോധവത്‌കരണവും ലഭ്യമാക്കുന്നതിനുള്ളതാണ്‌ ഈ
സെന്റര്‍.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala