പുണ്യദര്‍ശനം (വിഷു കവിത: ജോസ്‌ ഓച്ചാലില്‍)
Published on 13 April, 2012
വിഷുപ്പക്ഷികള്‍ പാടിപ്പറക്കുന്നു തൊടികളില്‍
വിളഞ്ഞു വിലസുന്നു പൊന്‍കതിര്‍ വയലുകള്‍
വസന്തത്തിന്‍ ചിരിതൂകി നില്‌ക്കും പൂക്കളെങ്ങും
വരുമൊരു ഉത്സവപ്രതീതി ഉയര്‍ത്തും നാട്ടിലെങ്ങും
കണിക്കൊന്ന പൊന്നിന്‍ കസവുടുത്തൊരുങ്ങുന്നു
കായ്‌കറി തോട്ടങ്ങള്‍ നല്‍ഫലങ്ങളാല്‍ നിറയുന്നു
കഴിഞ്ഞുപോയൊരു വിഷുപ്പുലരിതന്‍ ഓര്‍മ്മയില്‍
കൊച്ചുകുട്ടികള്‍ അടക്കംപറഞ്ഞ്‌ പൊട്ടിച്ചിരിക്കുന്നു
മേടമാസം പൊട്ടി വിരിയും പൊന്‍ പുലരിയിതില്‍
മോദമാണാര്‍ക്കും വിഷുപ്പുലരിതന്‍ വിഷുകൈനീട്ടം
മാധവന്‍ കണ്ണനുണ്ണിതന്‍ സമ്മോഹനരൂപം ചേലില്‍
മനസില്‍ തേന്‍മഴപൊഴിക്കും സൗഭാഗ്യ പുണ്യദിനം
കണ്ണന്റെ മുരളികയില്‍ കാളിന്ദീതീരം തരളിതമായി
കുളിരണിഞ്ഞു ഗോക്കളും ഗോപാലപാലരുമൊരുപോല്‍
കാമുകി പ്രിയ രാധയോ പ്രേമപരവശയായ്‌ത്തീര്‍ന്നു
കണ്ണന്റെ ലീലാ വിലാസങ്ങള്‍ ബഹുവിധം മധുരതരം
പുണ്യദര്‍ശനം സായൂജ്യമേകുമേവര്‍ക്കും മേടപ്പുലരിയില്‍
പാപരോഗ ദാരിദ്ര്യസന്താപ പീഢകളൊക്കെ മറക്കുവാന്‍
പണ്ട്‌ തൊട്ട്‌ നാളെത്രയായി ഗുരുകാര്‍ണവന്മാര്‍ നടത്തും
പുണ്യദര്‍ശനം ഈ വിഷുക്കണി തുടരും ലോകമെങ്ങുമേ.
വിളഞ്ഞു വിലസുന്നു പൊന്‍കതിര്‍ വയലുകള്‍
വസന്തത്തിന്‍ ചിരിതൂകി നില്‌ക്കും പൂക്കളെങ്ങും
വരുമൊരു ഉത്സവപ്രതീതി ഉയര്‍ത്തും നാട്ടിലെങ്ങും
കണിക്കൊന്ന പൊന്നിന്‍ കസവുടുത്തൊരുങ്ങുന്നു
കായ്‌കറി തോട്ടങ്ങള്‍ നല്‍ഫലങ്ങളാല്‍ നിറയുന്നു
കഴിഞ്ഞുപോയൊരു വിഷുപ്പുലരിതന്‍ ഓര്‍മ്മയില്‍
കൊച്ചുകുട്ടികള്‍ അടക്കംപറഞ്ഞ്‌ പൊട്ടിച്ചിരിക്കുന്നു
മേടമാസം പൊട്ടി വിരിയും പൊന്‍ പുലരിയിതില്‍
മോദമാണാര്‍ക്കും വിഷുപ്പുലരിതന്‍ വിഷുകൈനീട്ടം
മാധവന്‍ കണ്ണനുണ്ണിതന്‍ സമ്മോഹനരൂപം ചേലില്‍
മനസില്‍ തേന്‍മഴപൊഴിക്കും സൗഭാഗ്യ പുണ്യദിനം
കണ്ണന്റെ മുരളികയില്‍ കാളിന്ദീതീരം തരളിതമായി
കുളിരണിഞ്ഞു ഗോക്കളും ഗോപാലപാലരുമൊരുപോല്‍
കാമുകി പ്രിയ രാധയോ പ്രേമപരവശയായ്‌ത്തീര്‍ന്നു
കണ്ണന്റെ ലീലാ വിലാസങ്ങള്‍ ബഹുവിധം മധുരതരം
പുണ്യദര്‍ശനം സായൂജ്യമേകുമേവര്‍ക്കും മേടപ്പുലരിയില്‍
പാപരോഗ ദാരിദ്ര്യസന്താപ പീഢകളൊക്കെ മറക്കുവാന്‍
പണ്ട്‌ തൊട്ട്‌ നാളെത്രയായി ഗുരുകാര്‍ണവന്മാര്‍ നടത്തും
പുണ്യദര്‍ശനം ഈ വിഷുക്കണി തുടരും ലോകമെങ്ങുമേ.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala