തിരുവനന്തപുരത്തെ ശ്രീ പത്മനാഭ സ്വാമി ക്ഷേത്രവുമായി ബന്ധപ്പെട്ട കേസില് നിലപാട് തിരുത്തി തിരുവിതാംകൂര് രാജകുടുംബം. ക്ഷേത്രം പൊതു സ്വത്താണെന്ന് രാജകുടുംബം കോടതിയില് വ്യക്തമാക്കി. ക്ഷേത്ര ഭരണത്തിനുള്ള അവകാശം തിരികെ നല്കണമെന്ന് ആവശ്യപ്പെട്ട രാജകുടുംബം ക്ഷേത്രത്തിന്റെ ആസ്തി വിഗ്രഹത്തിന്റെ സ്വത്താണെന്നും അറിയിച്ചു.
നേരത്തെ, ഇത് സ്വകാര്യ ക്ഷേത്രമാണ് എന്നായിരുന്നു രാജകുടുംബത്തിന്റെ നിലപാട്. ഈ നിലപാടാണ് രാജകുടുംബം ഇന്ന് കോടതിയില് തിരുത്തിയത്.