ലഖ്‌നൗ: ഉത്തര്‍പ്രദേശ് സംസ്ഥാന കോണ്‍ഗ്രസ് സമിതി പ്രിയങ്കയുടെ വരവോടെ ഹൈടെക്കാവുന്നു. പ്രിയങ്ക എന്നാണ് സംസ്ഥാനം സന്ദര്‍ശിക്കുന്നതെന്ന് അറിയില്ലെങ്കിലും, അവരെ വരവേല്‍ക്കാാണ് രാജ് ബബ്ബാറിന്റെ നേതൃത്വത്തിലുള്ള സമിതി ഒരുങ്ങുന്നത്. ഫെബ്രുവരി 10, 11 തിയതികളിലായി അവര്‍ അവര്‍ സംസ്ഥാനത്തെത്തും. അതേസമയം സംസ്ഥാന സമിതിയില്‍ നാല് ദിവസം വീതം നേരിട്ടെത്തി കാര്യങ്ങള്‍ പരിശോധിക്കുമെന്നാണ് വ്യക്തമാകുന്നത്. ഇതൊന്നുമല്ല, പക്ഷേ ഏറ്റവും അതിശയിപ്പിക്കുന്നത്. പ്രിയങ്കയുടെ വരവ് പ്രമാണിച്ച്‌ സംസ്ഥാന സമിതി സ്റ്റെലിഷായി മോടി പിടിപ്പിക്കുകയാണ്. പ്രിയങ്കയുടെ വരവ് പ്രമാണിച്ച്‌ റോഡ് ഷോയും സംസ്ഥാന സമിതി ആസൂത്രണം ചെയ്തിട്ടുണ്ട്.

സംസ്ഥാന സമിതിയിലെ പല മുറികളും പുതുക്കി പണിഞ്ഞിരിക്കുകയാണ്. അറ്റകുറ്റപണികളും നടക്കുന്നുണ്ട്. അതേസമയം പുതിയതായി നിര്‍മിച്ച മീഡിയ റൂമിന്റെ ഉദ്ഘാടനം പ്രിയങ്കയാണ്. രാജ് ബബ്ബാറിന്റെ മുറിക്ക് സമീപമുള്ള മുറി പ്രിയങ്കയ്ക്കായി പുതുക്കി പണിതിട്ടുണ്ട്. ഇത് മുന്‍ പ്രധാനമന്ത്രിയും പ്രിയങ്കയുടെ മുത്തശ്ശിയുമായ ഇന്ദിരാ ഗാന്ധി ഉപയോഗിച്ചിരുന്ന മുറിയാണ്. ഇന്ദിരയുടെ ചരിത്രം പ്രിയങ്ക ആവര്‍ത്തിക്കുമെന്ന് രാജ് ബബ്ബാര്‍ പറയുന്നു. പ്രിയങ്കയ്‌ക്കൊപ്പം രാഹുലും സംസ്ഥാനത്തെത്തുമെന്ന് സൂചനയുണ്ട്. ഇതിന് മുമ്ബ് കുംഭമേളയിലും ഇവര്‍ പങ്കെടുക്കുന്നുണ്ട്. യുപിയില്‍ പ്രിയങ്കയുടെ വരവില്‍ പ്രവര്‍ത്തകര്‍ വലിയ ആവേശത്തിലാണെന്ന് സംസ്ഥാന സമിതിയിലെ മാറ്റത്തില്‍ നിന്ന് വ്യക്തമാണ്.