.jpg)
പ്രകൃതീ, പ്രണയിനീ ! (കവിത -പ്രണയവാര രചനകള്‍.: ജയന്‍ വര്‍ഗീസ്)
SAHITHYAM
11-Feb-2019
പ്രപഞ്ച മാനസ രംഗ വിതാനം,
പ്രസാദ മധുരം ചിന്താ സ്കലിതം,
പ്രകാശ നൂപുര ശിഞ്ജിത തരളം,
പ്രഭാതം, പ്രഭാതം !
പ്രഭാത ഗോപുര നട തുറന്നിറങ്ങും,
പ്രകൃതീ, വിശ്വ പ്രകൃതീ,
യുഗപദ നര്‍ത്തന പരിണാമങ്ങള്‍
ജെനിമൃതി സംഗീതം !
നിന്റെ നിരാലസ മാദക ചലനം
എന്‍ മൃദു ചുംബന ലഹരികളില്‍,
വികാര പുളകിത ' രവ 'മായെന്നും
ഉണരുകയല്ലോ സ്വപ്‌നങ്ങള്‍ ?
നിന്റെ പയോധര നിര്‍ഗ്ഗള മുകുളം,
ചുണ്ടുകളില്‍ വന്നണയുന്‌പോള്‍,
വികാര വില്വത്തിലയായ് ജന്മം
വീണടിയും നിന്‍ ചേവടിയില്‍ !!
പ്രസാദ മധുരം ചിന്താ സ്കലിതം,
പ്രകാശ നൂപുര ശിഞ്ജിത തരളം,
പ്രഭാതം, പ്രഭാതം !
പ്രഭാത ഗോപുര നട തുറന്നിറങ്ങും,
പ്രകൃതീ, വിശ്വ പ്രകൃതീ,
യുഗപദ നര്‍ത്തന പരിണാമങ്ങള്‍
ജെനിമൃതി സംഗീതം !
നിന്റെ നിരാലസ മാദക ചലനം
എന്‍ മൃദു ചുംബന ലഹരികളില്‍,
വികാര പുളകിത ' രവ 'മായെന്നും
ഉണരുകയല്ലോ സ്വപ്‌നങ്ങള്‍ ?
നിന്റെ പയോധര നിര്‍ഗ്ഗള മുകുളം,
ചുണ്ടുകളില്‍ വന്നണയുന്‌പോള്‍,
വികാര വില്വത്തിലയായ് ജന്മം
വീണടിയും നിന്‍ ചേവടിയില്‍ !!
Comments.
വിദ്യാധരൻ
2019-02-11 23:09:21
വാക്കുകളുടെ നൂപരധ്വനികൾ കേട്ടിട്ട്
എത്രയോ നാളായി
കാലുകളിൽ പലകകൾ കെട്ടി
കവച്ചു നടക്കുന്ന ആധുനിക
കവിതകളുടെ വാക്കുകൾ
കാതിനുള്ളിൽ ചൊറിച്ചിൽ ഉണ്ടാക്കുമ്പോൾ
അത് ശമിപ്പിക്കുക മാത്രമല്ല
മനസ്സിനെ കാൽപ്പനികതയുടെ
ലോകത്തിലേക്ക് നടത്തികൊണ്ടുപോകുകയും ചെയ്യുന്ന
ഒരു മുഗ്ദ്ധ മോഹിനിയായ കവിത
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
Facebook Comments