Image

എയ്‌റോ ഇന്ത്യയുടെ കാര്‍ പാര്‍ക്കിംഗ്‌ ഏരിയയില്‍ തീപിടുത്തം; 100 ഓളം കാറുകള്‍അഗ്‌നിക്കിരയായി

Published on 23 February, 2019
എയ്‌റോ ഇന്ത്യയുടെ കാര്‍ പാര്‍ക്കിംഗ്‌ ഏരിയയില്‍ തീപിടുത്തം; 100 ഓളം കാറുകള്‍അഗ്‌നിക്കിരയായി

ബംഗളൂരു:എയ്‌റോ ഇന്ത്യ പ്രദര്‍ശനം നടക്കുന്ന വേദിയിലെ കാര്‍ പാര്‍ക്കിങ്‌ ഏരിയയിലുണ്ടായ തീപിടിത്തത്തില്‍ നൂറോളം കാറുകള്‍ അഗ്‌നിക്കിരയായി.

എലഹങ്ക എയര്‍ഫോഴ്‌സ്‌ സ്‌റ്റേഷനിലെ ഭാരതീ നഗര്‍ ഗേറ്റിനു സമീപത്താണു തീപിടുത്തമുണ്ടായത്‌. അപകടത്തെ തുടര്‍ന്ന്‌ ആളുകളെ സ്ഥലത്തുനിന്ന്‌ ഒഴിപ്പിച്ചു.

പത്തോളം ഫയര്‍ എഞ്ചിനുകള്‍ സ്ഥലത്തെത്തി തീയണയ്‌ക്കാനുള്ള ശ്രമത്തിലാണ്‌. വ്യോമസേനയും പോലീസും സ്ഥലത്തുണ്ട്‌.

കാറിലെത്തിയവര്‍ എയ്‌റോ പ്രദര്‍ശനം നടക്കുന്ന സ്ഥലത്തായതിനാല്‍ കൂടുതല്‍ കാറുകള്‍ അഗ്‌നിക്കിരയാകാന്‍ സാധ്യതയുണ്ടെന്ന്‌ പോലീസ്‌ പറഞ്ഞു. കര്‍ണാടക അഗ്‌നിശമന വിഭാഗമാണ്‌ വാര്‍ത്ത പുറത്തുവിട്ടത്‌. അപകടത്തില്‍ ആര്‍ക്കും പരിക്കേറ്റിട്ടില്ലെന്നും ഉദ്യോഗസ്ഥര്‍ പറഞ്ഞു.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക