ദില്ലി: കുംഭമേളയിലെ ശുചീകരണ തൊഴിലാളികള്ക്ക് 21 ലക്ഷം രൂപ സംഭാവന നല്കി പ്രധാനമന്ത്രി നരേന്ദ്രമോദി. ശുചീകരണ തൊഴിലാളികള്ക്കായുള്ള സഹായ നിധിയിലേക്കാണ് പ്രധാനമന്ത്രി തന്റെ സ്വകാര്യ സമ്ബാദ്യത്തില് നിന്ന് 21 ലക്ഷം രൂപ നല്കിയത്.ഇതിന് മുന്പും പ്രധാനമന്ത്രി ഇത്തരത്തില് വ്യക്തിപരമായ സംഭാവനകള് നല്കിയിട്ടുണ്ട്.
ദക്ഷിണകൊറിയയുടെ സോള് സമാധാനാ പുരസ്കാരത്തുകയായ 1.3 കോടി രൂപ ഗംഗാ ശുചീകരണ പദ്ധതിയിലേക്ക് പ്രധാനമന്ത്രി സംഭാവന നല്കിയിരുന്നു.
2015 ല് അതുവരെ തനിക്ക് ലഭിച്ച സമ്മാനങ്ങള് ലേലം ചെയ്തതിലൂടെ കിട്ടിയ 8.33 കോടി രൂപയും ഗംഗാ ശുചീകരണ പദ്ധതിയിലേക്ക് പ്രധാനമന്ത്രി സംഭാവന ചെയ്തിരുന്നു.ഗുജറാത്ത് മുഖ്യമന്ത്രിയായി കാലാവധി പൂര്ത്തിയാക്കിയ വേളയില് സംസ്ഥാനത്തെ സര്ക്കാര് ഉദ്യോഗസ്ഥരുടെ പെണ്മക്കള്ക്കായി 21 ലക്ഷം രൂപയും പ്രധാനമന്ത്രി തന്റെ സ്വകാര്യ സമ്ബാദ്യത്തില് നിന്നും സംഭാവന നല്കിയിരുന്നു.