ന്യൂദല്ഹി:
റഫാല് കരാറുമായി ബന്ധപ്പെട്ട റിപ്പോര്ട്ടുകളുടെ പേരില് ദ ഹിന്ദു പത്രത്തിനെതിരെ
ഔദ്യോഗിക രഹസ്യ നിയമപ്രകാരം കേസെടുത്താല് അത് രാഷ്ട്രീയ ദുരന്തമായിരിക്കുമെന്ന്
മോദി സര്ക്കാറിന് ബി.ജെ.പി എം.പി സുബ്രഹ്മണ്യന് സ്വാമിയുടെ
മുന്നറിയിപ്പ്.
'തെരഞ്ഞെടുപ്പ് അടുത്തിരിക്കുന്ന വേളയില്, ദ ഹിന്ദുവിനെ
എന്നല്ല, ഏതെങ്കിലും ഒരു മാധ്യമത്തിനെതിരെ ഔദ്യോഗിക രഹസ്യ നിയമപ്രകാരം കേസ് ഫയല്
ചെയ്യുന്നത് രാഷ്ട്രീയ ദുരന്തമായിരിക്കും. ' എന്നാണ് സുബ്രഹ്മണ്യന് സ്വാമിയുടെ
ട്വീറ്റ്.
റഫാല് കരാറുമായി ബന്ധപ്പെട്ട ചില രേഖകള് പ്രതിരോധ
മന്ത്രാലയത്തില് നിന്നും മോഷണം പോയെന്ന് കേന്ദ്രസര്ക്കാര് കഴിഞ്ഞദിവസം സുപ്രീം
കോടതിയെ അറിയിച്ചിരുന്നു.
റഫാല് ഇടപാടിലെ രഹസ്യ രേഖകള് സംബന്ധിച്ച വിശദാംശങ്ങള്
പ്രസിദ്ധീകരിച്ച ദ ഹിന്ദു പത്രത്തിന്റെ നടപടി ഔദ്യോഗിക രഹസ്യ നിയമപ്രകാരം
കുറ്റകരമാണെന്നും കേന്ദ്രം നിലപാടെടുത്തിരുന്നു.