പനാജി: ഗോവ മുഖ്യമന്ത്രി മനോഹര് പരീക്കര് (63) അന്തരിച്ചു. പാന്ക്രിയാസിലെ അര്ബുദ ബാധയെത്തുടര്ന്ന് ചികിത്സയിലായിരുന്നു. ഞായറാഴ്ച രാത്രി ഏഴരയോടെയായിരുന്നു അന്ത്യം.
പാന്ക്രിയാസില് അര്ബുദം സ്ഥിരീകരിച്ചതിനെത്തുടര്ന്ന് അദ്ദേഹം അമേരിക്കയിലെ ആശുപത്രിയിലും പിന്നീട് ഡല്ഹി എയിംസ് ആശുപത്രിയിലും ചികിത്സ തേടിയിരുന്നു. അതിനിടെ, കഴിഞ്ഞ ഡിസംബറില് ഔദ്യോഗിക ചുമതലകളിലേക്ക് മടങ്ങിയെത്തിയ അദ്ദേഹം രോഗത്തോട് മല്ലിടുകയാണെന്ന് വെളിപ്പെടുത്തിയിരുന്നു. ജനുവരി 30 ന് ബജറ്റ് അവതരിപ്പിക്കുകയും ചെയ്തു.
ലോക്സഭാ തിരഞ്ഞെടുപ്പ് പ്രചാരണ രംഗത്ത് സജീവമായി ഉണ്ടാകുമെന്ന് അദ്ദേഹം പറഞ്ഞിരുന്നു. എന്നാല്, പിന്നീട് ആരോഗ്യസ്ഥിതി മോശമായി. പരേതയായ മേധയാണ് ഭാര്യ. മക്കള്: ഉത്പല്, അഭിജിത്ത്.