മുംബൈ: മകന്‍ ബിജെപിയില്‍ ചേര്‍ന്നതിന്‌ പിന്നാലെ മഹാരാഷ്ട്ര പ്രതിപക്ഷ നേതാവ്‌ കോണ്‍ഗ്രസ്സ്‌ പാര്‍ട്ടിയില്‍ നിന്ന്‌ രാജിവെച്ചു. രാധാകൃഷ്‌ണ വിഖെ പാട്ടീലാണ്‌ പാര്‍ട്ടി വിട്ടത്‌. മകന്‌ പിന്നാലെ രാധാകൃഷ്‌ണയും ബിജെപിയില്‍ ചേരുമെന്ന്‌ വാര്‍ത്തകള്‍ വന്നിരുന്നു.

ഇത്തരമൊരു സാദ്ധ്യത നിലനില്‍ക്കെയാണ്‌ രാധാകൃഷ്‌ണയുടെ രാജിയെന്നത്‌ ഏറെ ശ്രദ്ധേയമാണ്‌. മഹാരാഷ്ട്രയിലെ മുതിര്‍ന്ന നേതാവായ രാധാകൃഷ്‌ണയുടെ രാജി ലോക്‌സഭാ തിരഞ്ഞെടുപ്പ്‌ അടുത്തിരിക്കുന്ന സാഹചര്യത്തില്‍ കോണ്‍ഗ്രസില്‍ പ്രതിസന്ധി സൃഷ്ടിച്ചിരിക്കുകയാണ്‌.