മലപ്പുറം: ബിജെപി സംസ്ഥാന അധ്യക്ഷന് പി.എസ്. ശ്രീധരന്പിള്ള നടത്തിയ പരാമര്ശം മുസ്ലിം സമുദായത്തെ ആക്ഷേപിക്കുന്നതാണെന്ന് പ്രതിപക്ഷ നേതാവ് രമേശ് ചെന്നിത്തല. ശ്രീധരന്പിള്ള പരാമര്ശം പിന്വലിച്ച് മാപ്പ് പറയണമെന്നും ചെന്നിത്തല ആവശ്യപ്പെട്ടു.
ആറ്റിങ്ങളില് തെരഞ്ഞെടുപ്പ് പ്രചാരണത്തിനിടെയായിരുന്നു ശ്രീധരന്പിള്ളയുടെ വിവാദ പരാമര്ശം. ഇസ്ലാമാണെങ്കില് വസ്ത്രം മാറ്റി നോക്കിയാലല്ലേ തിരിച്ചറിയാന് പറ്റുകയുള്ളു എന്നായിരുന്നു ശ്രീധരന് പിള്ളയുടെ പരാമര്ശം.
ജീവന് പണയപ്പെടുത്തി വിജയം നേടുന്പോള്, രാഹുല് ഗാന്ധി, യെച്ചൂരി, പിണറായി എന്നിവര് പറയുന്നത് അവിടെ മരിച്ചു കിടക്കുന്നവര് ഏത് ജാതിക്കാരാ ഏതു മതക്കാരാ എന്ന് അറിയണമെന്നാണ്. ഇസ്ലാമാണെങ്കില് ചില അടയാളമൊക്കെയുണ്ടല്ലോ. ഡ്രസ് എല്ലാം മാറ്റി നോക്കിയാലല്ലേ അറിയാന് പറ്റുകയുള്ളുവെന്നും ശ്രീധരന്പിള്ള പറഞ്ഞു.