തിരുവനന്തപുരം> ഗാന്ധാരിയമ്മന് കോവിലിലെ തുലാഭാരത്തിനിടെ ത്രാസ് പൊട്ടിവീണ് യുഡിഎഫ് സ്ഥാനാര്ത്ഥി ശശി തരൂരിന് പരിക്കേല്ക്കാന് ഇടയായത് പ്രവര്ത്തകരുടെ കയ്യിലിരുപ്പ് കൊണ്ടെന്ന് ക്ഷേത്രം അധികാരികളുടെ വിശദീകരണം.
.പഞ്ചസാര കൊണ്ടായിരുന്നു ശശി തരൂര് തുലാഭാരം. പറഞ്ഞത് അനുസരിയ്ക്കാതെ പ്രവര്ത്തകര് ആവശ്യത്തിലധികം പഞ്ചസാര തുലാഭാരത്തട്ടില് എടുത്തുവച്ചെന്ന് ക്ഷേത്രം സെക്രട്ടറി ആര് പി നായര്വാര്ത്താ ചാനലുകളോട് പറഞ്ഞു.കൂടാതെ പ്രവര്ത്തകര് ചങ്ങലയില് പിടിച്ചു തൂങ്ങുകയും ചെയ്തു. ഇതിനിടെ ഭാരം താങ്ങാന് വച്ചിരുന്ന സ്റ്റൂള് ആരോ എടുത്തുമാറ്റിയെന്നും ക്ഷേത്രം സെക്രട്ടറി പറഞ്ഞു. പെട്ടെന്ന് ഭാരം വന്നപ്പോള് ചങ്ങലയുടെ കൊളുത്ത് നിവര്ന്ന് ത്രാസ് പൊട്ടുകയായിരുന്നു.
ഇന്ന് രാവിലെ തെരഞ്ഞെടുപ്പ്പ്രചാരണത്തിനിടെ ക്ഷേത്രത്തില് തുലാഭാരം നടത്തിയപ്പോഴാണ് ശശിതരൂരിനു പരുക്ക്പറ്റിയത് . തമ്ബാനൂര് ഗാന്ധാരി അമ്മന് കോവിലില് തുലാഭാരം നടത്തുന്നതിടയിലായിരുന്നു അപകടം. ത്രാസ് പൊട്ടിവീണു തലയ്ക്കു മുറിവേറ്റു. ജനറല് ആശുപത്രിയില് എത്തിച്ച തരൂരിന്റെ തലയില് ആറു തയ്യലുണ്ട്