തിരുവനന്തപുരം : ലോക്‌സഭ തെരഞ്ഞെടുപ്പില്‍ സംസ്ഥാനത്ത്‌ 5,886 പോളിങ്‌ സ്റ്റേഷനുകള്‍ പ്രശ്‌നബാധിതമെന്ന്‌ തെരഞ്ഞെടുപ്പ്‌ കമ്മീഷന്‍ വിലയിരുത്തല്‍. 425 അതീവഗുരുതര സ്വഭാവ ബൂത്തുകളും 817 ബൂത്തുകള്‍ ഗുരുതര പ്രശ്‌നബാധിതവുമാണ്‌. 4,482 എണ്ണം പ്രശ്‌നബാധിതമായി കണക്കാക്കിയിട്ടുണ്ട്‌. കോഴിക്കോട്‌, വയനാട്‌, പാലക്കാട്‌, മലപ്പുറം ജില്ലകളിലായി തീവ്ര-ഇടതു സംഘങ്ങളുടെ ഭീഷണിയുള്ള 162 ബൂത്തുകളുമുണ്ട്‌.

സംസ്ഥാനത്ത്‌ 20 മണ്ഡലങ്ങളിലായി 227 സ്ഥാനാര്‍ഥികളാണ്‌ ജനവിധി തേടുന്നത്‌. ഒരു ബാലറ്റ്‌ യൂണിറ്റില്‍ 16 സ്ഥാനാര്‍ഥികളെ മാത്രമേ ഉള്‍പ്പെടുത്താന്‍ കഴിയൂ എന്നതിനാല്‍ ഇതിലേറെ പേര്‍ മത്സരിക്കുന്ന തിരുവനന്തപുരം, ആറ്റിങ്ങല്‍, വയനാട്‌ മണ്ഡലങ്ങളില്‍ 2 ബാലറ്റ്‌ യൂണിറ്റുകളുണ്ടാകും. മുഖ്യ തെരഞ്ഞെടുപ്പു ഓഫിസര്‍ ടിക്കാറാം മീണയുടെ അധ്യക്ഷതയില്‍ സുരക്ഷാ ക്രമീകരണങ്ങള്‍ വിലയിരുത്തി.