Image

കെവിന്‍ വധക്കേസ്‌ വിചാരണ ആരംഭിച്ചു

Published on 24 April, 2019
കെവിന്‍ വധക്കേസ്‌ വിചാരണ ആരംഭിച്ചു
കോട്ടയം: കെവിന്‍ വധക്കേസിന്റെ വിചാരണ കോട്ടയം പ്രിന്‍സിപ്പല്‍ സെഷന്‍സ്‌ കോടതിയില്‍ ആരംഭിച്ചു. മുഖ്യ സാക്ഷി അനീഷിന്റെ വിസ്‌താരമാണ്‌ ആദ്യ ദിവസം നടന്നത്‌. മുഖ്യ പ്രതി ഷാനു ചാക്കോ ഉള്‍പ്പടെ ഏഴ്‌ പ്രതികളെ സാക്ഷി തിരിച്ചറിഞ്ഞു.

എന്നാല്‍ അഞ്ചാം പ്രതി ചാക്കോ ഉള്‍പ്പടെ മൂന്ന്‌ പേരെ സാക്ഷി അനീഷ്‌ തിരിച്ചറിഞ്ഞില്ല. പ്രതികളെല്ലാം ഒരു പോലെ വെള്ള വസ്‌ത്രം ധരിച്ചാണ്‌ വിചാരണയ്‌ക്ക്‌ എത്തിയത്‌. പ്രതികള്‍ രൂപമാറ്റം വരുത്തിയതിനാല്‍ തിരിച്ചറിയാന്‍ കഴിയുന്നില്ലെന്ന്‌ അനീഷ്‌ കോടതിയില്‍ അറിയിക്കുകയായിരുന്നു.

നീനുവിന്റെ അച്ഛന്‍ ചാക്കോ, സഹോദരന്‍ സാനു ചാക്കോ എന്നിവര്‍ ഉള്‍പ്പെടെ 14 പേരാണ്‌ കേസിലെ പ്രതികള്‍. കൊലക്കുറ്റം ഉള്‍പ്പെടെ പത്ത്‌ വകുപ്പുകളാണ്‌ പ്രതികള്‍ക്കെതിരെ ചുമത്തിയിട്ടുള്ളത്‌. ജൂണ്‍ ആറ്‌ വരെ തുടര്‍ച്ചയായി വിചാരണ നടത്താനാണ്‌ കോടതിയുടെ തീരുമാനം
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക