മോണ്ടികാര്‍ലോ മാസ്‌റ്റേഴ്‌സ് കിരീടം നദാലിന്
Published on 23 April, 2012
മോണ്ടികാര്‍ലോ: ഒടുവില്‍ നദാലിന്റെ കാത്തിരിപ്പിനു വിരാമമായി. തുടര്‍ച്ചയായ മത്സരങ്ങളില്‍ ലോക ഒന്നാം നമ്പര്‍ താരം സെര്‍ബിയയുടെ നൊവാക് ജോക്കോവിച്ചിനോടു പരാജയപ്പെടുന്നു എന്ന അപഖ്യാതിക്ക് അറുതി വരുത്തി ലോക രണ്ടാം നമ്പര്‍ ടെന്നീസ് താരം റാഫേല്‍ നദാല്‍ തിളങ്ങി. ജോക്കോവിച്ചിനെ 6-3, 6-1 എന്ന സ്‌കോറിനു പരാജയപ്പെടുത്തി നദാല്‍ മോണ്ടികാര്‍ലോ മാസ്‌റ്റേഴ്‌സ് കിരീടമുയര്‍ത്തി.
ജോക്കോവിച്ചിനോട് തുടര്‍ച്ചയായ ഏഴു മത്സരങ്ങളുടെ പരാജയങ്ങള്‍ക്കുശേഷമാണ് നദാലിന്റെ ഈ ജയം. ഓസ്‌ട്രേലിയന്‍ ഓപ്പണിലെ ഫൈനലില്‍ ആറു മണിക്കൂര്‍ നീണ്ടുനിന്ന മത്സരത്തിലാണ് നദാല്‍ ഒടുവില്‍ ജോക്കോവിച്ചിനോടു പരാജയപ്പെട്ടത്. മോണ്ടികാര്‍ലോയിലെ നദാലിന്റെ തുടര്‍ച്ചയായ 42-ാം കിരീടമാണ്; കരിയറിലെ 47-ാം കിരീടവും. 1000 മാസ്‌റ്റേഴ്‌സ് മത്സരങ്ങള്‍ കളിച്ച നദാല്‍ 20 കിരീടം നേടി റിക്കാര്‍ഡും സ്ഥാപിച്ചു. കഴിഞ്ഞ ജൂണിലെ ഫ്രഞ്ച് ഓപ്പണ്‍ നേടിയശേഷമുള്ള നദാലിന്റെ ആദ്യ കിരീടനേട്ടമാണിത്.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala