നടന്‍ ദിലീപിനെതിരായ വാര്‍ത്ത കെട്ടിച്ചമച്ചതാണെന്ന ശ്രീനിവാസന്റെ പ്രസ്‌താവനയ്‌ക്കെതിരേ നടിയും സംവിധായികയുമായ രേവതി. പ്രശസ്‌തരുടെ ഇത്തരം പ്രഖ്യാപനങ്ങള്‍ ദു:ഖകരമാണെന്ന്‌ രേവതി അഭിപ്രായപ്പെട്ടു. ട്വിറ്ററിലൂടെയായിരുന്നു രേവതിയുടെ പ്രതികരണം.

മികച്ച സിനിമകളിലൂടെ നമ്മുടെ ആദരം പിടിച്ച പറ്റിയ സെലിബ്രിറ്റികള്‍ ഇത്തരത്തില്‍ പ്രസ്‌താവനകളിറക്കുന്നത്‌ ദുഖകരമാണെന്നായിരുന്നു രേവതി അഭിപ്രായപ്പെട്ടത്‌. സെലിബ്രിറ്റികള്‍ സംസാരിക്കുമ്പോള്‍ കുറേക്കൂടി ഉത്തരവാദിത്വം കാണിക്കേണ്ടതുണ്ടെന്നും അവരുടെ പ്രസ്‌താവനകള്‍ അടുത്ത തലമുറയെ എങ്ങനെ പ്രതിഫലിക്കുമെന്ന്‌ മസിലാക്കേണ്ടതുണ്ടെന്നും രേവതി പറഞ്ഞു.

ശ്രീനിവാസന്റെ നിലപാട്‌ സമൂഹമാധ്യമങ്ങളില്‍ വലിയ ചര്‍ച്ചയായി. ശ്രീനിവാസന്റെ നിലപാടിനെ അനുകൂലിച്ചും പ്രതികൂലിച്ചും നിരവധി പേര്‍ രംഗത്തെത്തി. എഴുത്തുകാരി ഗീത ശ്രീനിവാസനെ വിമര്‍ശിച്ചെഴുതിയ കുറിപ്പ്‌ വൈറലായിരുന്നു. അതേ സമയം ശ്രീനിവാസന്റെ പ്രസ്‌താവനയോട്‌ ഡബ്‌ളിയുസിസിയിലെ മറ്റ്‌ അംഗങ്ങളാരും ഇതേ വരെ പ്രതികരിച്ചിട്ടില്ല.