മലയാളികള്‍ക്കും തമിഴകത്തിനുമൊക്കെ ഒരുപോലെ പ്രിയങ്കരിയായ നടിയാണ് സുഹാസിനി. മലയാളത്തില്‍ സുഹാസിനി - മമ്മൂട്ടി കോം‌പിനേഷന് വലിയ സ്വീകാര്യതയായിരുന്നു ഉണ്ടായിരുന്നത്. നീണ്ട ഇടവേളയ്ക്ക് ശേഷം അടുത്തിടെ ഇരുവരും ഒന്നിച്ചിരുന്നു.

അടുത്തിടെ നടന്ന സൈമ പുരസ്‌കാര ചടങ്ങിലും സുഹാസിനി പങ്കെടുത്തിരുന്നു. തമിഴകത്തിന്റെ പ്രിയ താരങ്ങളിലൊരാളായ വിവേകായിരുന്നു സുഹാസിനിക്ക് പുരസ്‌കാരം നല്‍കിയത്. പുരസ്‌കാരം നല്‍കാനായി വിളിക്കുന്നതിനിടയില്‍ സഹോദരി എന്നായിരുന്നു അദ്ദേഹം സുഹാസിനിയെ സംബോധന ചെയ്തത്.

എന്നാല്‍, ഈ അഭിസംബോധന സുഹാസിനിക്ക് ഇഷ്ടമായില്ല. വിവേകിനോട് സുഖവിവരങ്ങള്‍ തിരക്കിയതിന് ശേഷമാണ് താരം ചില തിരുത്തലുകള്‍ നടത്തിയത്. ഇതാദ്യമായാണ് തനിക്ക് സൈമ പുരസ്‌കാരം ലഭിക്കുന്നത്. അതില്‍ സന്തോഷമുണ്ട്. വിവേകിനോട് തനിക്കൊരിക്കലും സഹോദര ബന്ധം തോന്നിയിട്ടില്ല. തന്‍രെ അടുത്ത സുഹൃത്തുക്കളിലൊരാളാണ് അദ്ദേഹം എന്നാണ് സുഹാസിനി പറഞ്ഞത്.

അദ്ദേഹത്തിന്റെ ആദ്യ സിനിമ തനിക്കൊപ്പമായിരുന്നു. അന്ന് താന്‍ കുറേ ടിപ്‌സ് ഒക്കെ നല്‍കിയിരുന്നു. അതൊക്കെ അദ്ദേഹത്തിന് ഉപകരിച്ചിരുന്നോ എന്ന കാര്യത്തെക്കുറിച്ച്‌ അറിയില്ല. അന്ന് മയില്‍പ്പീലിയൊക്കെ തന്നിരുന്നു. ഇന്നിതാ പുതിയൊരു പുരസ്‌കാരം സമ്മാനിച്ചിരിക്കുകയാണ് അദ്ദേഹം.സുഹാസിനി പറയുന്നു.