നെയ്യാറ്റിന്കര: നെയ്യാറ്റിന്കരയില് അമ്മയും മകളും ആത്മഹത്യചെയ്ത സംഭവത്തില് ലേഖയുടെ ആത്മഹത്യാ കുറിപ്പ് ശരിവച്ച് ഭര്ത്താവ് ചന്ദ്രന്.താന് മന്ത്രവാദം ചെയ്തിട്ടുണ്ടെന്നും ചന്ദ്രന് മൊഴി നല്കി. അമ്മയും ലേഖയും തമ്മില് പ്രശ്നങ്ങള് ഉണ്ടായിരുന്നു. കുടുംബ പ്രശ്നങ്ങള് ഉണ്ടായിരുന്നുവെന്നും മരിച്ച ലേഖയുടെ ഭര്ത്താവ് ചന്ദ്രന് പൊലീസിന് മൊഴി നല്കി.
നേരത്തെ ഭര്ത്താവും ഭര്ത്താവിന്റെ അമ്മയും മറ്റ് 2 ബന്ധുക്കളുമാണ് മരണത്തിന് കാരണമെന്ന ആത്മഹത്യാക്കുറിപ്പ് വീട്ടില് നിന്ന് പൊലീസ് കണ്ടെടുത്തിരുന്നു. വായ്പ തിരിച്ചടക്കാന് ഭര്ത്താവ് ഒന്നും ചെയ്തില്ലെന്നും മാനസികമായി നിരന്തരം പീഡിപ്പിച്ചെന്നും കുറിപ്പില് പരാമര്ശമുണ്ടായിരുന്നു. ഇതിന് പിന്നാലെയാണ് നാലു പേരെയും പൊലീസ് കസ്റ്റഡിയിലെടുത്തത്.
മരിച്ച ലേഖയുടെ ഭര്ത്താവ് ചന്ദ്രന്, ചന്ദ്രന്റെ അമ്മ കൃഷ്ണമ്മ, കൃഷ്ണമ്മയുടെ സഹോദരി ശാന്തമ്മ, അവരുടെ ഭര്ത്താവ് കാശിനാഥന് എന്നിവരാണ് കസ്റ്റഡിയിലായത്. ആത്മഹത്യ നടന്ന വീട് ഇന്നലെ തന്നെ പൊലീസ് സീല് ചെയ്തിരുന്നു. ഇന്ന് പൊലീസ് വീട് തുറന്ന് പരിശോധിച്ചപ്പോഴാണ് ലേഖയും വൈഷ്ണവിയും തീകൊളുത്തിയ മുറിയില് ആത്മഹത്യാക്കുറിപ്പ് കണ്ടെത്തിയത്. മൂന്ന് പേജുള്ള കത്ത് ഭിത്തിയില് ഒട്ടിച്ച നിലയിലായിരുന്നു