ആദ്യ വാര്‍ത്തസമ്മേളനത്തില്‍ പോലും മാധ്യമങ്ങളുടെ ചോദ്യത്തിന്‌ മറുപടി പറയാതെ മോദി
Published on 17 May, 2019
ന്യൂദല്‍ഹി: പ്രധാനമന്ത്രി പദത്തിലെത്തിയതിന്‌ ശേഷം നടത്തിയ ആദ്യമായി വാര്‍ത്ത സമ്മേളനത്തിനെത്തിയ മോദി മാധ്യമങ്ങളുടെ ചോദ്യങ്ങള്‍ക്ക്‌ മറുപടി പറഞ്ഞില്ല. അമിത്‌ ഷായടക്കം പാര്‍ട്ടി നേതാക്കളുടെ അകമ്പടിയോടെ വാര്‍ത്താ സമ്മേളനത്തിന്‌ എത്തിയ മോദി തനിക്ക്‌ പറയാനുള്ള കാര്യങ്ങള്‍ വിശദീകരിച്ച്‌ മിണ്ടാതിരിക്കുകയാണ്‌ ചെയ്‌തത്‌.
പ്രജ്ഞാ സിങ്‌ ഠാക്കൂറിന്റെ ഗോഡ്‌സെ പ്രകീര്‍ത്തനത്തെ കുറിച്ച്‌ ഒരു മാധ്യമപ്രവര്‍ത്തകന്‍ ചോദിച്ചപ്പോള്‍ അധ്യക്ഷനാണ്‌ തങ്ങള്‍ക്കെല്ലാമെന്നും താന്‍ അച്ചടക്കത്തോടെ കേട്ടിരിക്കാമെന്നും അമിത്‌ ഷായെ ചൂണ്ടിക്കാണിച്ച്‌ മോദി പറയുകയായിരുന്നു.
67 ദിവസം നീളുന്ന തെരഞ്ഞെടുപ്പ്‌ പ്രചാരണത്തിന്റെ അവസാന ദിവസം ആറുമണിയോടെ കൊട്ടിക്കലാശം അവസാനിക്കാനിരിക്കെയാണ്‌ മോദി വാര്‍ത്താ സമ്മേളനത്തിനെത്തിയത്‌.
വാര്‍ത്താ സമ്മേളനത്തില്‍ കൂടുതലും സംസാരിച്ച അമിത്‌ ഷാ ഭരണനേട്ടം എണ്ണിപ്പറഞ്ഞാണ്‌ സംസാരിച്ചത്‌. എല്ലാ വിഭാഗം ജനങ്ങള്‍ക്കും തുല്യനീതി ഉറപ്പാക്കുന്ന തരം ഭരണമാണ്‌ രാജ്യത്ത്‌ ഇപ്പോള്‍ നിലവിലുള്ളതെന്നും ഈ വികസനം മനസിലാക്കി ജനങ്ങള്‍ വോട്ട്‌ ചെയ്യുമെന്നും മോദി പറഞ്ഞു.
അതേസമയം പ്രധാനമന്ത്രി
നരേന്ദ്രമോദി മാധ്യമങ്ങളെ കാണുന്നത്‌ തെരഞ്ഞെടുപ്പ്‌ അവസാനിക്കാന്‍ നാലോ അഞ്ചോ
ദിവസം ബാക്കിയുള്ളപ്പോഴാണെന്നും ഈ സമയത്ത്‌ രാജ്യത്തിന്റെ പ്രധാനമന്ത്രി
മാധ്യമങ്ങളെ കാണുന്നത്‌ ഇത്‌ ആദ്യമാണെന്നും രാഹുല്‍ഗാന്ധി പ്രതികരിച്ചു.
നരേന്ദ്രമോദി പങ്കെടുക്കുന്ന ആദ്യ വാര്‍ത്താ സമ്മേളനം ദല്‍ഹിയില്‍ നടക്കുന്ന
സമയത്ത്‌ തന്നെയായിരുന്നു രാഹുലിന്റെയും വാര്‍ത്താ
സമ്മേളനം.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala