ബിജെപി എംഎല്‍എയുടെ സ്‌കൂളില്‍ തോക്ക്‌ പരിശീലനം; ഡിവൈഎഫ്‌ഐ പരാതി നല്‍കി
Published on 01 June, 2019
മുംബൈ : മഹാരാഷ്‌ട്രയില്‍ ബിജെപി എംഎല്‍എയുടെ സ്‌കൂളില്‍ കുട്ടികള്‍ക്ക്‌ ആയുധ പരിശീലനം നല്‍കുന്നതിനെതിരെ ഡിവൈഎഫ്‌ഐയുടെ പരാതി. താനെയിലെ മിരാ റോഡിലുള്ള സെവന്‍ ഇലവന്‍ സ്‌കൂളിലെ വിദ്യാര്‍ത്ഥികള്‍ക്കാണ്‌ ബജ്‌റംഗ്‌ദളിന്റെ നേതൃത്വത്തില്‍ ആയുധ പരിശീലനം നല്‍കി വന്നത്‌.
സ്‌കൂളില്‍ നടക്കുന്ന പരിശീലനത്തിന്റെ ചിത്രങ്ങളുമായി ഡിവൈഎഫ്‌ഐ പ്രവര്‍ത്തകര്‍ പൊലീസ്‌ സ്റ്റേഷനില്‍ എത്തി പരാതി നല്‍കുകയായിരുന്നു. തോക്ക്‌ അടക്കമുള്ള മാരകായുധങ്ങളുമായാണ്‌ പരിശീലനം.
പരാതിയിന്മേല്‍ പൊലീസ്‌ അന്വേഷണം തുടങ്ങി. ബിജെപി എംഎല്‍എ
നരേന്ദ്ര മേത്തയുടെ ഉടമസ്ഥതയിലുള്ളതാണ്‌ ഈ വിദ്യാലയം.
പ്രകാശ്‌ ഗുപ്‌തയെന്ന വ്യക്തി
സമൂഹമാധ്യമങ്ങളില്‍ പരിശീലനത്തിന്റെ ചിത്രങ്ങള്‍ പങ്കുവച്ചിരുന്നു. ഈ
ചിത്രങ്ങളുമായി ഡിവൈഎഫ്‌ഐ പ്രവര്‍ത്തകര്‍ പൊലീസ്‌ സ്റ്റേഷനിലെത്തി പരാതി
നല്‍കുകയായിരുന്നു.
14 വയസില്‍ താഴെയുള്ള കുട്ടികളടക്കം നിരവധി പേര്‍ക്കാണ്‌ പരിശീലനം നല്‍കിയിരുന്നത്‌. തോക്കുപയോഗിക്കുന്നതിനുള്ള ലൈസന്‍സും മറ്റ്‌ രേഖകളും തങ്ങളുടെ പക്കല്‍ ഉണ്ടെന്നാണ്‌ ബജ്‌റംങ്‌ ദള്‍ പ്രവര്‍ത്തകര്‍ പൊലീസിനോട്‌ പറഞ്ഞിരിക്കുന്നത്‌.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala