തിരുവനന്തപുരം വിമാനത്താവളം അദാനിയ്‌ക്ക്‌ വിട്ടു നല്‍കില്ലെന്ന്‌ മുഖ്യമന്ത്രി ആവര്‍ത്തിച്ച്‌ വ്യക്തമാക്കി. വിമാനത്താവളം സര്‍ക്കാറിന്‌ അവകാശപ്പെട്ടതാണ്‌. ഈ മാസം 15- ന്‌ നടക്കുന്ന നീതി ആയോഗിന്റെ യോഗത്തില്‍ വിവരം പ്രധാനമന്ത്രിയെ അറിയിക്കുമെന്നും മുഖ്യമന്ത്രി വ്യക്തമാക്കി. ഇക്കാര്യം കേന്ദ്രത്തെ അറിയിച്ചിട്ടുണ്ടെന്നും മുഖ്യമന്ത്രി. വിമാനത്താവളം ആരും കൊണ്ടു പോകില്ലെന്നും മുഖ്യമന്ത്രി തിരുവനന്തപുരത്ത്‌ പറഞ്ഞു .

തിരുവനന്തപുരം വിമാനത്താവളത്തിനായി അദാനി ഗ്രൂപ്പ്‌ മുന്നോട്ടു വെച്ചത്‌ 168 കോടിയുടെ ടെന്‍ഡറും കെഎസ്‌ഐഡിസിയുടേത്‌ 135 കോടിയുടേതുമായിരുന്നു. കൂടിയ പ്രതിഫലം ഓഫര്‍ ചെയ്‌ത അദാനി എന്റര്‍പ്രൈസസിന്‌ വിമാനത്താവളം 50 വര്‍ഷത്തേക്ക്‌ വിട്ടു നല്‍കാന്‍ നടപടികള്‍ തുടരുന്നതിനിടെയാണ്‌ തിരഞ്ഞെടുപ്പ്‌ വന്നത്‌.