Image

അത്യാര്‍ത്തി ആപത്ത് വരുത്തും (ജി പുത്തന്‍കുരിശ്)

Published on 08 July, 2019
അത്യാര്‍ത്തി ആപത്ത് വരുത്തും (ജി പുത്തന്‍കുരിശ്)
രണ്ടു കാളകള്‍ തമ്മില്‍ പണ്ടുണ്ടായിപോര്,
ശണ്ഠമൂത്തവര്‍ തമ്മില്‍ തലകൊണ്ടിടിച്ചു
നിന്നിരുന്നൊരുകുറുനരിയതുകണ്ടു ദൂരെ.
കന്നുകാലിയില്‍രണ്ടിലുംകണ്ണു നട്ടങ്ങനെ
കൊമ്പു കോര്‍ത്തുകാളകള്‍വാശിയില്‍
അമ്പേറ്റപോലെചോരവാര്‍ന്നുവീണെങ്ങും.
ചുടുചോരയിന്‍ഗന്ധമേറ്റകുറുനരിമുരളി
യടുത്തുചോരലാക്കാക്കിഝടുതിയില്‍
കട്ടപിടിച്ചു നിലത്തുകിടക്കുംചോരകുറുനരി
പെട്ടന്നു നക്കി കുടിച്ചു പരിസരം മറന്നങ്ങ്
പാഞ്ഞടുത്തു മുന്‍കാലുകള്‍ പൊക്കികാളകള്‍
ആഞ്ഞുകുത്തിതലതാഴ്ത്തിയവരണ്ടും തമ്മില്‍
പെട്ടുപോയികുറുനരിശക്തമാഇടിയ്ക്കിടയില്‍
കേട്ടൊരര്‍ത്തനാദമാകുറുനരിയില്‍ നിന്നും
മാറ്റൊലികൊണ്ടുദിഗംബരമൊക്കെയും
കേട്ടു നടുങ്ങികാട്ടുമൃഗങ്ങളൊക്കെയും
അത്യാര്‍ത്തിയാല്‍കണ്ണില്‍തിമിരംകയറിയാ
ലെത്തുമാപത്തു കാണുവാന്‍ ആവില്ലാര്‍ക്കുമെ!
നല്‍കട്ടെ ഈ ചെറുകഥയിന്‍ സാരമേവര്‍ക്കു
മുള്‍കാഴ്ചയേകി നയിക്കട്ടെ നന്മയില്‍ നമ്മെ

(പഞ്ചതന്ത്ര കഥകളില്‍ നിന്നും)

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക