നാഗചൈതന്യ ചിത്രത്തില് കീര്ത്തി സുരേഷ് നായികയാകുന്നതായി റിപ്പോര്ട്ടുകളുണ്ടായിരുന്നു. എന്നാല് ഈ ചിത്രത്തില് നിന്നും കീര്ത്തി പിന്മാറിയതായാണ് പുറത്തു വരുന്ന പുതിയ സൂചനകള്. കല്യാണ് കൃഷ്ണ കുറസല സംവിധാനം ചെയ്യുന്ന സിനിമയ്ക്ക് 'ബംഗ്ഗരാജു' എന്നാണ് പേരിട്ടിരുന്നത്.
തിരക്കഥ മുഴുവന് വായിച്ച താരം ഈ കഥാപാത്രത്തെ അവതരിപ്പിക്കുവാന് താത്പര്യമില്ലെന്ന് അറിയിക്കുകയായിരുന്നു. എന്നാല് കഥാപാത്രത്തിന് പ്രാധാന്യമില്ലാത്തതാണ് പിന്മാറാന് കാരണമെന്നാണ് റിപ്പോര്ട്ടുകള് സൂചിപ്പിക്കുന്നത്.