ജപ്തി (കവിത ബിജു)
Published on 16 July, 2019
പൂത്തമോഹങ്ങള്‍ ഇളകുന്ന
പുളകത്തിലേക്ക്
ഒളിച്ചുകയറിയ കാറ്റാണ്
ചൂളം കുത്തിപ്പറഞ്ഞത്
നാളെയാണ് ജപ്തിയെന്ന്!
കേട്ടപാതി
കേള്‍ക്കാത്തപാതി
തളര്‍ന്നു വീണതാണ് വീട് !
വാര്‍ത്തകേട്ട് പകച്ച്,
വീടിനു ചുറ്റുംഎരിഞ്ഞ
അതേനില്പില്‍തന്നെയാണ് പകല്‍!
മുറ്റത്തെ മാങ്കൊമ്പില്‍
ഇളകിയാടുന്ന ചില്ലകളോട്
കലപിലകൂട്ടി പറന്നുവന്ന പറവകള്‍
സ്വകാര്യം പറഞ്ഞു,
ഇളകുന്നതൊക്കെ
ജപ്തിചെയ്യുമെത്രെ!
നാളെ ജപ്തിക്കാളുവരും ,
കാണാന്‍ നാട്ടാരുംകൂടും !
കാഴ്ചക്കാര്
മൂക്കത്ത് കൈവെച്ച്
സങ്കടം തുടച്ചു കളയും
ജപ്തിക്കാര്
ഇളകുന്നതൊക്കെ
തിരഞ്ഞുപിടിച്ച് മുറ്റത്ത് നിരത്തുമത്രേ!
പൂവിരിഞ്ഞ എന്റെമനസും
സ്ഥാവരജംഗമ വസ്തുക്കള്‍ക്കിടയില്‍
പെട്ട് പൊടിഞ്ഞുപോകുന്നത്
കാണാന്‍ ശക്തിയില്ലാത്തോണ്ടാ
ഞാനെന്റെ കണ്ണുകള്‍ ഇറുക്കി അടച്ചത് !
അല്ലെങ്കിലും
കണ്ണടച്ചിരുട്ടാക്കുന്നവരുടെ ലോകത്ത്
കണ്ണ് തുറന്നിരുന്നിട്ടെന്താ കാര്യം ?
പുളകത്തിലേക്ക്
ഒളിച്ചുകയറിയ കാറ്റാണ്
ചൂളം കുത്തിപ്പറഞ്ഞത്
നാളെയാണ് ജപ്തിയെന്ന്!
കേട്ടപാതി
കേള്‍ക്കാത്തപാതി
തളര്‍ന്നു വീണതാണ് വീട് !
വാര്‍ത്തകേട്ട് പകച്ച്,
വീടിനു ചുറ്റുംഎരിഞ്ഞ
അതേനില്പില്‍തന്നെയാണ് പകല്‍!
മുറ്റത്തെ മാങ്കൊമ്പില്‍
ഇളകിയാടുന്ന ചില്ലകളോട്
കലപിലകൂട്ടി പറന്നുവന്ന പറവകള്‍
സ്വകാര്യം പറഞ്ഞു,
ഇളകുന്നതൊക്കെ
ജപ്തിചെയ്യുമെത്രെ!
നാളെ ജപ്തിക്കാളുവരും ,
കാണാന്‍ നാട്ടാരുംകൂടും !
കാഴ്ചക്കാര്
മൂക്കത്ത് കൈവെച്ച്
സങ്കടം തുടച്ചു കളയും
ജപ്തിക്കാര്
ഇളകുന്നതൊക്കെ
തിരഞ്ഞുപിടിച്ച് മുറ്റത്ത് നിരത്തുമത്രേ!
പൂവിരിഞ്ഞ എന്റെമനസും
സ്ഥാവരജംഗമ വസ്തുക്കള്‍ക്കിടയില്‍
പെട്ട് പൊടിഞ്ഞുപോകുന്നത്
കാണാന്‍ ശക്തിയില്ലാത്തോണ്ടാ
ഞാനെന്റെ കണ്ണുകള്‍ ഇറുക്കി അടച്ചത് !
അല്ലെങ്കിലും
കണ്ണടച്ചിരുട്ടാക്കുന്നവരുടെ ലോകത്ത്
കണ്ണ് തുറന്നിരുന്നിട്ടെന്താ കാര്യം ?
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala