തിരുവനന്തപുരം: യൂണിവേഴ്സിറ്റി കോളേജ് അക്രമത്തിലും പിഎസ്സി പരീക്ഷാക്രമക്കേടിലും നിലപാട് കടുപ്പിച്ച് സര്വകലാശാലാ ചാന്സലര് കൂടിയായ ഗവര്ണര് പി.സദാശിവം. കോളേജിലെ അക്രമ സംഭവങ്ങളുടെ പശ്ചാത്തലത്തില് കേരള സര്വകലാശാല വൈസ് ചാന്സലറെ ഗവര്ണര് രാജ്ഭവനിലേക്ക് വിളിപ്പിച്ചു. ഇതുവരെയുള്ള സംഭവങ്ങളുടെ റിപ്പോര്ട്ടുമായി ഇന്ന് വൈകിട്ട് നാലിന് രാജ്ഭവനിലെത്താനാണ് നിര്ദ്ദേശം.
കൂടാതെ, പിഎസ്സി പരീക്ഷാ ക്രമക്കേട് സംബന്ധിച്ച കാര്യങ്ങളില് വിശദീകരണമാവശ്യപ്പെട്ട് പിഎസ്സി ചെയര്മാനെയും ഗവര്ണര് രാജ്ഭവനിലേക്ക് വിളിപ്പിച്ചു. എന്നാല്, പിഎസ്സി ചെയര്മാന് സ്ഥലത്തില്ലാത്തതിനാല് കൂടിക്കാഴ്ച തിങ്കളാഴ്ചയാകും നടക്കുക