കൊച്ചി: ഇറാന്‍ പിടിച്ചെടുത്ത ബ്രിട്ടീഷ് കപ്പലില്‍ അകപ്പെട്ട സിജു വി. ഷേണായിയുടെ പുതിയ വിവരങ്ങള്‍ അറിയാത്തതിന്റെ ആശങ്കയിലാണ് ഇരുമ്ബനത്ത് താമസിക്കുന്ന വിത്തല്‍ ഷേണായിയും, ശ്യാമളയും. അവസാനം മകനുമായി സംസാരിച്ചത് വെള്ളിയാഴ്ചയാണ്. അതിനുശേഷം മകന്‍ വിളിച്ചിട്ടില്ല. അടുത്ത ഫോണ്‍ വിളിക്കായി ഈ മാതാപിതാക്കള്‍ കാത്തിരിക്കുകയാണ്.

ഇറാന്‍ പിടിച്ചെടുത്ത ബ്രിട്ടിഷ് എണ്ണക്കപ്പല്‍ സ്റ്റെന ഇംപറോയിലെ ചീഫ് എന്‍ജിനിയര്‍ ആണ് സിജു വി. ഷേണായി. സിജു സുരക്ഷിതനാണെന്നു കമ്ബനി അധികൃതര്‍ അറിയിച്ചതിന്റെ ആശ്വാസത്തിലാണ്‌ ഇവര്‍. അപകടമൊന്നും സംഭവിക്കില്ലെന്ന് കമ്ബനിയില്‍ നിന്നുള്ളവര്‍ പറയുന്നുണ്ട്. അതില്‍ പ്രതീക്ഷയര്‍പ്പിച്ച്‌ കഴിയുകയാണ് ഈ ദമ്ബതികള്‍. കമ്ബനി ജീവനക്കാര്‍ വിവരം അറിയിച്ചിട്ടും അടുത്ത ബന്ധുക്കളോടു പോലും വിവരം പങ്കുവച്ചിട്ടുണ്ടായിരുന്നില്ല.

ഹോര്‍മുസ് കടലിടുക്കില്‍ വച്ചാണ് 18 ഇന്ത്യക്കാര്‍ ഉള്‍പ്പെടെ 23 ജീവനക്കാരടങ്ങിയ ബ്രിട്ടീഷ് എണ്ണക്കപ്പല്‍ ഇറാന്‍ പിടിച്ചെടുത്തത്. ഇത് വിട്ടുകിട്ടുന്നതിനുള്ള നയതന്ത്ര ചര്‍ച്ചകള്‍ തുടരുകയാണ്