ഭക്തിയും വിശുദ്ധിയും സ്വാഭാവശുദ്ധിയുമുള്ള ജീവിതംവഴി വിശുദ്ധിയിലേക്ക് വിളിക്കപ്പെട്ട നാം ലോകത്തില് എവിടെയിരുന്നാലും അതിനു സാക്ഷികളാകാന് സാധിക്കുമെന്നും സുപ്രീം കോടതി (റിട്ട.) ജസ്റ്റിസ് കുര്യന് ജോസഫ് പറഞ്ഞു. തലമുറകളായി കിട്ടിയ പൈതൃകം സഭയോടും സഭാ നേതൃത്വത്തോടും ചേര്ന്നു പ്രവര്ത്തിക്കണം. അതാണ് നമ്മുടെ വിളി എന്നും അദ്ദേഹം കൂട്ടിച്ചേര്ത്തു.
സഹായമെത്രാന് മാര് ജോയ് ആലപ്പാട്ട് സ്വാഗതം ആശംസിച്ചു. മിസിസാഗാ സീറോ മലബാര് ബിഷപ്പ് മാര് ജോസ് കല്ലുവേലില്, തലശ്ശേരി അതിരൂപതാ സഹായമെത്രാന് മാര് ജോസഫ് പാംപ്ളാനി, ചങ്ങനാശേരി അതിരൂപതാ സഹായമെത്രാന് മാര് തോമസ് തറയില്, കണ്വെന്ഷന് കണ്വീനര് ഫാ. കുര്യന് നെടുവേലി ചാലുങ്കല്, ഫോര്ട്ട് ബെന്ഡ് കൗണ്ടി ജഡ്ജ് ജോര്ജ് കെ പി, കാത്തലിക് കോണ്ഗ്രസ് പ്രസിഡണ്ട് അഡ്വ. ബിജു പറയന്നിലം, കണ്വെന്ഷന് ചെയര്മാന് അലക്സാണ്ടര് കുടക്കച്ചിറ തുടങ്ങിയവര് ആശംസകള് നേര്ന്നു.