തിരുവനന്തപുരം: തിരുവോണ ദിനത്തില് സംസ്ഥാനത്ത് രണ്ടിടങ്ങളിലുണ്ടായ വാഹനാപകടങ്ങളില് നാലു മരണം. തൃശൂര് കേച്ചേരിയില് കെഎസ്ആര്ടിസി ബസും ബൈക്കും കൂട്ടിയിടിച്ചാണ് ബൈക്ക് യാത്രക്കാരായ യുവാക്കള് മരിച്ചത്. ചൂണ്ടല് സ്വദേശികളായ സഗേഷ്(20), അഭിജിത്ത് ( 20) എന്നിവരാണ് മരിച്ചത്. കോഴിക്കോട് പന്നിയങ്കരയില് പുലര്ച്ചെ കാറും മിനി പിക്കപ്പും കൂട്ടിയിടിച്ചാണ് അപകടമുണ്ടായത്. രാമനാട്ടുകര വൈദ്യരങ്ങാടി സ്വദേശി മുനവര്, ബേപ്പൂര് സ്വദേശി ഷാഹിദ് ഖാന് എന്നിവരാണ് മരിച്ചത്. പരിക്കേറ്റ നാലുപേരെ മെഡിക്കല് കോളേജ് ആശുപത്രിയില് പ്രവേശിപ്പിച്ചു. ഇതില് ഒരാളുടെ നില ഗുരുതരമാണ്.