ചെന്നൈ: തമിഴ്നാട്ടില് നടക്കാനിരിക്കുന്ന നിയമസഭാ ഉപതെരഞ്ഞെടുപ്പില് മത്സരിക്കില്ലെന്ന് നടന് കമല് ഹാസന്റെ പാര്ട്ടിയായ മക്കള് നീതി മയ്യം. വാര്ത്താക്കുറിപ്പിലൂടെയാണ് ഇക്കാര്യം അറിയിച്ചത്.
2021-ല് സര്ക്കാര് രൂപീകരണമാണ് പാര്ട്ടിയുടെ ലക്ഷ്യമെന്ന് മക്കള് നീതി മയ്യം വാര്ത്താക്കുറിപ്പില് വ്യക്തമാക്കുന്നു. ചില പാര്ട്ടികള് അധികാരത്തിനു വേണ്ടി നടത്തുന്ന പോരാട്ടം മാത്രമാണ് ഈ ഉപതെരഞ്ഞെടുപ്പെന്നും ഇതിന് വലിയ പ്രാധാന്യമുള്ളതായി തോനുന്നില്ലെന്നും വാര്ത്താക്കുറിപ്പില് പറയുന്നു.
തമിഴ്നാട്ടിലെ രണ്ട് നിയമസഭാ മണ്ഡലങ്ങളിലേക്ക് അടുത്തമാസം 21-നാണ് തെരഞ്ഞെടുപ്പ് നടക്കുന്നത്.