ന്യൂഡല്‍ഹി: കേന്ദ്രസര്‍ക്കാര്‍ ജീവനക്കാരുടെയും പെന്‍ഷന്‍കാരുടെയും ഡി.എ 5 ശതമാനം വര്‍ധിപ്പിച്ച്‌​ ഉത്തരവായി.

കേന്ദ്രമന്ത്രിസഭാ യോഗത്തിന്​​ ശേഷം പ്രകാശ്​ ജാവദേക്കറാണ്​ ഡി.എ വര്‍ധിപ്പിച്ചുള്ള പ്രഖ്യാപനം നടത്തിയത്​. ഇതോടെ ക്ഷാമബത്ത 17 ശതമാനമാകും. 50 ലക്ഷം കേന്ദ്ര സര്‍ക്കാര്‍ ജീവനക്കാര്‍ക്ക് നേട്ടമാകുന്ന തീരുമാനമാണ് കേന്ദ്രം കൈക്കൊണ്ടിരിക്കുന്നത്.

കേന്ദ്രസര്‍ക്കാര്‍ ജീവനക്കാരുടെ ക്ഷാമബത്ത വര്‍ധിപ്പിക്കുന്നതിനായി 1600 കോടി രൂപ നീക്കിവെക്കുമെന്നാണ് കേന്ദ്രസര്‍ക്കാര്‍ അറിയിച്ചിരിക്കുന്നത്.

ആരോഗ്യമേഖലയിലെ ആശാപ്രവര്‍ത്തകരുടെ വേതനം ഇരട്ടിയായി വര്‍ധിപ്പിക്കാനും തീരുമാനമെടുത്തിട്ടുണ്ട്. 1000 ല്‍ നിന്ന് 2000 രൂപയായാണ് വേതനം വര്‍ധിപ്പിക്കുക.