ഷഹല ഷെറിന് ക്ലാസ് മുറിയില് പാമ്പ് കടിയേറ്റു മരിക്കാനിടയായ സംഭവത്തില് യുക്തമായ നടപടി ഉറപ്പാക്കുമെന്ന് മുഖ്യമന്ത്രി ഫേസ്ബുക്കിലൂടെ അറിയിച്ചു.
വയനാട് ജില്ലയിലെ സുല്ത്താന് ബത്തേരി ഗവ. സ്കൂളിലെ അഞ്ചാം ക്ലാസ് വിദ്യാര്ഥിനിയായ ഷെഹല ഷെറിന് ക്ലാസ് മുറിയില് പാമ്പ് കടിയേറ്റു മരിക്കാനിടയായ സംഭവം വളരെ ഗൗരവത്തോടെയാണ് കാണുന്നത്. ഇത്തരം അപകടങ്ങള് ഉണ്ടാകുമ്പോള് എങ്ങനെ പ്രതികരിക്കണം, അടിയന്തരമായി ചെയ്യേണ്ടത് എന്തൊക്കെ എന്ന് കുട്ടികളെ പഠിപ്പിക്കേണ്ടവരാണ് അധ്യാപകര്. ഇവിടെ കുട്ടികള് പറയുന്നത്, തങ്ങള് ആവശ്യപ്പെട്ടിട്ടും ചില അധ്യാപകര് ഷെഹല ഷെറിനെ വേണ്ട സമയത്തു ആശുപത്രിയില് എത്തിക്കാന് തയാറായില്ല എന്നാണ്. രക്ഷിതാക്കള് എത്തിയ ശേഷം മാത്രമാണ് കുട്ടിയെ ആശുപത്രിയില് എത്തിച്ചതെന്നും ഈ കുട്ടികള് പറയുന്നുണ്ട്.
ഷെഹല ഷെറിന്റെ മരണം അത്യന്തം ദുഖകരമാണ്. ആ കുഞ്ഞിന്റെ കുടുംബത്തെ അനുശോചനം അറിയിക്കുന്നു. അനാസ്ഥയോ അലംഭാവമോ കാട്ടിയവര്ക്കുമേല് യുക്തമായ നടപടി ഉറപ്പാക്കാന് ഇടപെടുകയും ചെയ്യും.