ന്യൂഡല്ഹി: പിപിഇ കിറ്റ് അലക്ഷ്യമായി വലിച്ചെറിഞ്ഞ കൊവിഡ് രോഗിക്കെതിരെ കേസെടുത്ത് പൊലീസ്. കഴിഞ്ഞ ദിവസമാണ് ഉപയോഗ ശേഷം വലിച്ചെറിഞ്ഞ പിപിഇ കിറ്റ് മരക്കൊമ്ബില് തൂങ്ങിക്കിടക്കുന്ന ദൃശ്യം സമൂഹമാധ്യമങ്ങളില് പ്രചരിച്ചത്.
ഇയാളെ കണ്ടെത്തിയതായും പകര്ച്ചവ്യാധി നിയമപ്രകാരം കേസെടുത്തതായും ഇയാളെ രോഗമുക്തി നേടിയതിന് ശേഷം അറസ്റ്റ് ചെയ്യുമെന്നും പൊലീസ് പറഞ്ഞു.
സംഗീത സംവിധായകന് ശന്തനു മോയിത്രയാണ് ദൃശ്യങ്ങള് സമൂഹമാധ്യമത്തില് പോസ്റ്റ് ചെയ്തത്. ധാരാളം വയോധികര് താമസിക്കുന്ന സൗത്ത് ഡല്ഹിയിലെ സിആര് പാര്ക്ക് പ്രദേശത്താണ് സംഭവം. ആംആദ്മി പാര്ട്ടി എംഎല്എ അതിഷി മര്ലേനയെ ടാഗ് ചെയ്താണ് മൊയിത്ര സംഭവത്തെക്കുറിച്ച് ട്വീറ്റ് ചെയ്തിരിക്കുന്നത്.
സംഭവത്തില് പൊലീസ് കേസെടുത്തു. അന്വേഷണത്തില് കൊവിഡ് രോഗിയാണ് ഈ പ്രവര്ത്തിക്ക് പിന്നിലെന്നും ഇയാള് രോഗമുക്തി നേടിയതിന് ശേഷം മറ്റ് നിയമനടപടികളിലേക്ക് നീങ്ങുമെന്നും പൊലീസ് അറിയിച്ചു.