അയോധ്യയില് രാമക്ഷേത്ര നിര്മാണത്തിന് തുടക്കം കുറിച്ച് പ്രധാനമന്ത്രി നരേന്ദ്രമോദി 40 കിലോഗ്രാം തൂക്കമുള്ള വെള്ളിശില പാകി. രാജ്യത്തിന്റെ മുഴുവന് പ്രതിനിധിയെന്ന നിലയില് രാജ്യത്തിന്റെ സര്വൈശ്വര്യങ്ങള്ക്കും വേണ്ടിയാണ് ഈ ക്ഷേത്രനിര്മാണത്തിന് തുടക്കം കുറിയ്ക്കുന്നതെന്ന് മോദി പറഞ്ഞു.
ഉച്ചയ്ക്ക് 12.30ന് ആരംഭിച്ച പൂജകള്ക്കുശേഷമാണ് പ്രധാനമന്ത്രി നരേന്ദ്ര മോദി ശിലാസ്ഥാപന കര്മം നടത്തിയത്. നേരത്തേ മോദി ക്ഷേത്രഭൂമിയില് പാരിജാതത്തൈ നട്ടു.
135 സന്യാസിമാരും പൗരപ്രമുഖരും രാഷ്ട്രീയ നേതാക്കളുമടങ്ങുന്ന ക്ഷണിതാക്കളുടെ സാന്നിധ്യവുമുണ്ടാകും. 175 പേര്ക്കാണ് ക്ഷണം. 2000 പുണ്യസ്ഥലങ്ങളില് നിന്ന് മണ്ണും 1500 ഇടങ്ങളില്നിന്ന് വെള്ളവും ഭൂമി പൂജയ്ക്കായി എത്തിച്ചിട്ടുണ്ട്.
തുടര്ന്ന് ആര്എസ്എസ് മേധാവി മോഹന് ഭാഗവത്, ഉത്തര്പ്രദേശ് ഗവര്ണര് ആനന്ദിബെന് പട്ടേല്, മുഖ്യമന്ത്രി യോഗി ആദിത്യനാഥ് തുടങ്ങിയവര് രാജ്യത്തിന്റെ വിവിധ ഭാഗങ്ങളില് നിന്ന് കൊണ്ടുവന്ന തിരഞ്ഞെടുത്ത ഒമ്ബത് ശിലകള് കൂടി സ്ഥാപിച്ചു. ശിലാസ്ഥാപന ചടങ്ങിന് ശേഷം ക്ഷേത്രത്തിന്റെ ചിത്രം ആലേഖനം ചെയ്ത സ്റ്റാമ്ബ് പുറത്തിറക്കുന്ന ചടങ്ങിലാണ് പ്രധാനമന്ത്രി പങ്കെടുക്കുന്നത്