ഹൂസ്റ്റൺ- ഡാളസ് ദൂരം 90 മിനിട്ടുകൊണ്ടു പൂർത്തിയാക്കുന്ന പദ്ധതിയാണ് ബുള്ളറ്റ് ട്രെയിനിലൂടെ പൂർത്തീകരിക്കപ്പെടുക.

ഇപ്പോൾ ഹൂസ്റ്റൺ- ഡാളസ് (240-280 മൈൽ) കാറിൽ സഞ്ചരിക്കണമെങ്കിലും ബസ്സിലാണെങ്കിലും നാലുമണിക്കൂറാണ് വേണ്ടി വരുന്നത്.

അമേരിക്കയിൽ ആദ്യമായാണ് ഇത്തരം ഹൈസ്പീഡ് റെയ്ൽ സിസ്റ്റം പൂർത്തീകരിക്കപ്പെടുന്നത്. മണിക്കൂറിൽ 200 മൈൽ ആണ് ട്രെയിനിന്റെ വേഗത.

90 മിനിട്ടുകൊണ്ട് ഡാളസ്സ് - ഹൂസ്റ്റൺ ദൂരം ഓടുന്നതിനിടയിൽ ബ്രസോസ് വാലിയിൽ മാത്രമാണ് ഒരു സ്റ്റോപ് അനുവദിച്ചിരിക്കുന്നത്.

ഈ പ്രോജക്ടിനെതിരെയും തടസ്സവാദങ്ങൾ ഉന്നയിക്കപ്പെട്ടിരുന്നു പന്ത്രണ്ടിലധികം ടെക്സസ് നിയമസഭാ സാമാജികർ ഈ പ്രോജക്ടിനെ എതിർത്ത് ട്രാൻസ്പോർട്ടേഷൻ ഡിപ്പാർട്ട്മെന്റിന് കത്തയച്ചിരുന്നു. 20 ബില്യൺ ഡോളർ ചിലവു പ്രതീക്ഷിക്കുന്ന ഈ പദ്ധതിയുടെ പ്രവർത്തനങ്ങൾ അടുത്ത വർഷം ആരംഭിക്കും. ബുള്ളറ്റ് ട്രെയിൻ പദ്ധതി ഡാളസിന്റെ സാമ്പത്തിക സ്ഥിതി ശക്തിപ്പെടുത്തുന്നതിന് ഇടയാക്കുമെന്ന് ഡാളസ് മേയർ എറിക് ജോൺസൺ അഭിപ്രായപ്പെട്ടു.