കൊല്ലം: പ്രതിശ്രുത വരന് വിവാഹത്തില്നിന്നു പിന്മാറിയതിനെ തുടര്ന്നു റംസി എന്ന യുവതി ജീവനൊടുക്കിയ സംഭവത്തില് സീരിയല് നടി ലക്ഷ്മി പ്രമോദിന് ഇടക്കാല ജാമ്യം. കൊല്ലം സെഷന്സ് കോടതിയാണു ലക്ഷ്മി പ്രമോദിനു ജാമ്യം അനുവദിച്ചത്.ഒക്ടോബര് ആറാം തീയതി വരെ ഇവരെ അറസ്റ്റ് ചെയ്യാന് പാടില്ലെന്നാണ് ഉത്തരവ്. ആത്മഹത്യയില് ഹാരിസിന്റെ ബന്ധുക്കള്ക്കും പങ്കുണ്ടെന്ന ജില്ലാ ക്രൈംബ്രാഞ്ചിന്റെ കണ്ടെത്തല് ഉള്പ്പടെ ചൂണ്ടിക്കാട്ടി ജാമ്യം അനുവദിക്കരുതെന്ന് പ്രോസിക്യൂഷന് വാദിച്ചെങ്കിലും ഷൂട്ടിംഗുള്ളതിനാല് അടുത്തമാസം ആറു വരെ അറസ്റ്റ് ഒഴിവാക്കണമെന്ന പ്രതിഭാഗത്തിന്റെ വാദം കോടതി അംഗീകരിക്കുകയായിരുന്നു.
റംസി മൂന്നു മാസം ഗര്ഭിണിയായിരിക്കേ നിര്ബന്ധിത ഗര്ഭച്ഛിദ്രം നടത്താനായി വ്യാജ വിവാഹ സര്ട്ടിഫിക്കറ്റ് ചമച്ച കേസിലും നടിക്കെതിരെ പരാതിയുണ്ടായിരുന്നു. റംസിയുടെ പ്രതിശ്രുതവരനും കേസിലെ ഒന്നാം പ്രതിയുമായ ഹാരിസിന്റെ സഹോദരന്റെ ഭാര്യയാണു ലക്ഷ്മി.
പ്രതിശ്രുത വരന് വിവാഹത്തില്നിന്ന് പിന്മാറിയതിനെ തുടര്ന്നാണു റംസി വീട്ടില് ജീവനൊടുക്കിയത്.