Image

വിജയ് സേതുപതി വീണ്ടും മലയാളത്തിലേക്ക്; നായിക നിത്യ മേനോന്‍

Published on 15 October, 2020
വിജയ് സേതുപതി വീണ്ടും മലയാളത്തിലേക്ക്; നായിക നിത്യ മേനോന്‍

തമിഴ് സൂപ്പര്‍താരം വിജയ് സേതുപതി വീണ്ടും മലയാള സിനിമയിലേക്ക്. ജയറാമിനൊപ്പമുള്ള മാര്‍ക്കോണി മത്തായിക്ക് ശേഷം താരം മലയാളത്തില്‍ അഭിനയിക്കുന്ന രണ്ടാമത്തെ ചിത്രമാണ് ഇത്. 


നിത്യ മേനോനാണ് ചിത്രത്തില്‍ നായിക.നീണ്ടനാളായി മലയാള സിനിമയില്‍ സഹസംവിധായികയായി പ്രവര്‍ത്തിച്ച ഇന്ദു വിഎസ് ആദ്യമായി സംവിധാനം ചെയ്യുന്ന ചിത്രമാണിത്.


ഇന്ദു തന്നെയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. പാന്‍ ഇന്ത്യന്‍ വിഷയമാണ് ചിത്രത്തില്‍ പറയുന്നത്. അതിനാലാണ് അന്യ ഭാഷ താരങ്ങളെ ചിത്രത്തിലേക്ക് കൊണ്ടുവന്നതെന്ന് ദേശിയ മാധ്യമത്തിന് നല്‍കിയ അഭിമുഖത്തില്‍ ഇന്ദു പറഞ്ഞു. 


ഒന്നര വര്‍ഷം മുന്‍പാണ് ചിത്രത്തെക്കുറിച്ച്‌ വിജയ് സേതുപതിയോട് പറയുന്നത്. കഴിഞ്ഞ വര്‍ഷം തന്നെ നിത്യയും ചിത്രത്തിന്റെ ഭാഗമാകാമെന്ന് സമ്മതിച്ചു. ഈ വര്‍ഷം അവസാനത്തോടെ ചിത്രത്തിന്റെ ഷൂട്ടിങ് ആരംഭിക്കാനിരിക്കുകയായിരുന്നെന്നും ഇന്ദു വ്യക്തമാക്കി.


ഇന്‍ഡോര്‍ രംഗങ്ങളാവും ആദ്യം ചിത്രീകരിക്കുക. പൂര്‍ണമായും കേരളത്തിലാകും ഷൂട്ടിങ്. ആന്റോ ജോസഫ് നിര്‍മിക്കുന്ന ചിത്രത്തിന് ഗോവിന്ദ് വസന്ത സംഗീത സംവിധാനവും മനീഷ് മാധവന്‍ ഛായാഗ്രഹണവും നിര്‍വഹിക്കുന്നു. 

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക