Image

പി.എസ്.സി പൊതുപ്രാഥമിക പരീക്ഷ ഫെബ്രുവരിയിലേക്ക് മാറ്റിവെച്ചു

Published on 22 October, 2020
പി.എസ്.സി പൊതുപ്രാഥമിക പരീക്ഷ ഫെബ്രുവരിയിലേക്ക് മാറ്റിവെച്ചു

തിരുവനന്തപുരം: 10-ാം ക്ലാസ് വരെയുള്ള വിദ്യാഭ്യാസം അടിസ്ഥാന യോഗ്യതയായിട്ടുള്ള തസ്തികകളിലേക്കുള്ള തിരഞ്ഞെടുപ്പിനായി ഡിസംബറില്‍ നടത്താനിരുന്ന പൊതുപ്രാഥമിക മാറ്റിവെച്ചതായി കേരള പബ്ലിക് സര്‍വിസ് കമ്മീഷന്‍ അറിയിച്ചു. കോവിഡ് വ്യാപന പശ്ചാത്തലത്തിലാണ് പരീക്ഷ മാറ്റിവെക്കുന്നത്. പരീക്ഷ 2021 ഫെബ്രുവരിയില്‍ നടത്തുമെന്ന് പി.എസ്.സി പത്രക്കുറിപ്പില്‍ അറിയിച്ചിട്ടുണ്ട്. 

പരീക്ഷയുടെ ഓരോ ഘട്ടത്തിലും ലക്ഷക്കണക്കിന് ഉദ്യോഗാര്‍ത്ഥികള്‍ക്കാണ് പങ്കെടുക്കേണ്ടി വരുന്നത്. പൊതുഗതാഗത സംവിധാനങ്ങള്‍ പൂര്‍വ്വസ്ഥിതിയിലെത്തുന്നതിന് കാലതാമസം നേരിടുന്നതിനാലും ഓരോഘട്ട പരീക്ഷയ്ക്കും ഏകദേശം 2000 പരീക്ഷാകേന്ദ്രങ്ങള്‍ കോവിഡ് സുരക്ഷാ മാനദണ്ഡപ്രകാരം സജ്ജീകരിക്കുന്നതില്‍ പ്രയാസം നേരിടുന്നതിനാലുമാണ് പരീക്ഷ മാറ്റിവെക്കുന്നതെന്നും പി.എസ്.സി വ്യക്തമാക്കി.

യു.പി.എസ്.എ, എല്‍.പി.എസ്.എ പരീക്ഷകള്‍ നവംബര്‍ 7, 24 തീയതികളില്‍ വിവിധ ജില്ലകളില്‍ നടക്കും. പരീക്ഷാര്‍ഥികള്‍ക്ക നിശ്ചിത സമയത്ത് കേന്ദ്രങ്ങളിലെത്താന്‍ കൂടുതല്‍ കാര്യക്ഷമമായി സര്‍വീസ് നടത്താന്‍ കെ.എസ്.ആര്‍.ടി.സി യൂണിറ്റുകള്‍ക്ക് കഴിഞ്ഞ ദിവസം നിര്‍ദേശം നല്‍കിയിട്ടുണ്ട്.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക