കോട്ടയം: കേരള ജനപക്ഷം യുഡിഎഫ് മുന്നണിയുടെ ഭാഗമാകാന് ഒരുങ്ങുന്നു. നിലവില് യാതൊരു മുന്നണിയുടെയും ഭാഗമല്ലായിരുന്നു പി.സി. ജോര്ജ് നയിക്കുന്ന കേരള ജനപക്ഷം. യുഡിഎഫുമായി ചേര്ന്നു പ്രവര്ത്തിക്കുമെന്ന് പി.സി. ജോര്ജ് തന്നെയാണ് വ്യക്തമാക്കിയത്. കേരള ജനപക്ഷം പ്രവര്ത്തകര് യുഡിഎഫ് ചിന്താഗതിയുള്ളവരാണെന്നും അദ്ദേഹം പറഞ്ഞു.
യുഡിഎഫുമായി സഹകരിക്കണമെന്നാണ് ഭൂരിഭാഗം പാര്ട്ടി പ്രവര്ത്തകരുടെയും അഭിപ്രായം. ചിലര് എല്ഡിഎഫിനൊപ്പം നില്ക്കണമെന്നും അഭിപ്രായപ്പെട്ടിരുന്നു. എന്നാല് യുഡിഎഫുമായി ചേര്ന്നു പ്രവര്ത്തിക്കാനാണ് തീരുമാനമെന്നും അദ്ദേഹം പറഞ്ഞു.
യുഡിഎഫ് മുന്നണിയുമായി ഒരു മേശയ്ക്കുചുറ്റും ഇരുന്ന് ഇക്കാര്യം ചര്ച്ച ചെയ്തിട്ടില്ല. എന്നാല് ഉമ്മന് ചാണ്ടി, രമേശ് ചെന്നിത്തല, പി.കെ. കുഞ്ഞാലിക്കുട്ടി എന്നിവരുമായി ഇക്കാര്യങ്ങള് സംസാരിച്ചിരുന്നുവെന്നും ജോര്ജ് പറഞ്ഞു.