അമേരിക്കയിൽ പ്രസിഡന്റ് തിരഞ്ഞെടുപ്പ് നടന്നു പിന്നെയാണോ ഇവിടെ ..?

എഴുന്നള്ളിപ്പ് പോലെ തദ്ദേശസ്വയംഭരണ സ്ഥാപന തിരഞ്ഞെടുപ്പ് കടന്നുപോയി...

ജനനായകരില്ലാത്ത അനാഥത്വം മാറിക്കിട്ടി.

കോവിഡ് സന്തോഷിച്ചു ;കേറിയിറങ്ങാൻ മനുഷ്യരെ കിട്ടിയതിൽ .

ആ തിരഞ്ഞെടുപ്പിന് ശേഷം വൈറസ് വ്യാപനം കൂടിയില്ലേ എന്നത് സംശയമല്ല സത്യം തന്നെയാണ്.

ഇലക്ഷൻ വന്നാൽ രാഷ്ട്രീയപ്പാർട്ടിക്കാർക്ക് വിശ്രമിച്ചിരിക്കാൻ പറ്റുമോ ..? അവനവന്റെ ശക്തി തെളിയിച്ച് വിജയിക്കുകയെന്നത് ഭരണപ്രതിപക്ഷ വിഭാഗങ്ങളുടെ അന്തിമലക്ഷ്യം തന്നെയാണ്. ആരോഗ്യപരമായ ബുദ്ധിമുട്ടുകളുള്ള പ്രായം കടന്ന നേതാക്കൾ വരെ പ്രചരണ രംഗത്ത് സജീവമായിരുന്നു. ആൾക്കൂട്ടങ്ങൾക്കിടയിലല്ലേ അവരുടെ യഥാർത്ഥ പ്രാണൻ തുടിക്കുന്നത് !

ഇനിയിപ്പോൾ നിയമസഭാ തിരഞ്ഞെടുപ്പ് കടന്നുവരുന്നു. തദ്ദേശസ്ഥാപനങ്ങളിലെ തിരഞ്ഞെടുപ്പ് പോലെയാണോ കേരള ഭരണത്തിനുള്ള പോര്..? കാസർകോട് മുതൽ കന്യാകുമാരി വരെയുള്ള തീർത്ഥയാത്രകൾ വലിയ

ഒരുപാട് കൊട്ടും പാട്ടുമില്ലാതെയാണെങ്കിലും നടത്തണ്ടേ...

(ജനങ്ങളെന്നു പറഞ്ഞാൽ എന്താ ശക്തി..!

എപ്പോൾ എങ്ങനെ ചിന്തിക്കും എന്ന് ഒരുറപ്പുമില്ല)

അരങ്ങിലെ യുദ്ധത്തിനു മുമ്പുള്ള ആഭ്യന്തര അണിയറ പ്രോഗ്രാമുകൾ സജീവമായിക്കഴിഞ്ഞു.

രാഷ്ട്രീയക്കാരെ മാത്രം എന്തിന് പറയുന്നു ? നിലവിലെ നിയമങ്ങൾക്കോ ഭരണ സംവിധാനങ്ങൾക്കോ ഈ പ്രത്യേക സാഹചര്യത്തിൽ തിരഞ്ഞെടുപ്പ് നീട്ടിവയ്ക്കാൻ കഴിയുമോ..?

ഇപ്പഴിരുന്നു ഭരിക്കുന്നവർ ദുരിതകാലം തീരും വരെ അവിടിരിക്കട്ടെ എന്ന് പ്രതിപക്ഷം കരുതില്ല. പ്രതിപക്ഷത്തെക്കൂടി കൂട്ടിക്കൊണ്ട് ഫലപ്രദമായ പരിപാടികൾ ആവിഷ്കരിക്കാൻ ഭരണപക്ഷത്തിനും ഒട്ടും ആഗ്രഹമില്ല..

എന്നാപ്പിന്നെ ...

പടകാളി ചണ്ഡിച്ചങ്കരി

പോർകളി മാർകളി ...നടക്കട്ടെ.. ( ഭഗവതി അലിവോടൊന്നിത്തിരി കനിയണമേ.. )

ചലച്ചിത്ര അവാർഡ് നിരത്തി വച്ചിട്ട് അവനവന് വേണ്ടത് വന്നെടുത്തോണ്ട് പോ, എന്ന് പറയുന്നതു പോലെയാണോ എം.എൽ എ ,മന്ത്രി, മുഖ്യമന്ത്രിപ്പട്ടങ്ങൾ !

അനുഭവിക്ക തന്നെ..

കോവിഡേ നീ പേടിക്കേണ്ട.