Image

ചിത്രപതംഗം (കവിത: ജിസ പ്രമോദ്)

Published on 09 February, 2021
ചിത്രപതംഗം (കവിത: ജിസ പ്രമോദ്)
നിന്നോർമ്മകൾ ശലഭങ്ങളായ് 
പൂക്കളായ് 
ഇന്നെൻ പൂവാടിയിൽ 
മെല്ലവേയെന്നെ
തൊട്ടുണർത്തി. 

നിറം മായുമീ 
തൃസന്ധ്യയിൽ 
ഒരു വേളയൊരു 
മൃദുചുംബനത്തിൻ 
നോവുണർത്തി. 

ഒരു നോവ്പാട്ടിൻ്റെയീണമായ്
നീയെന്നിൽ നിറയുമീ 
വേളയിൽ 
ഞാനൊരു വിരഹ-
വീണാനാദമായ്‌ 

എന്തിനു നീയൊരു 
ചിത്രപതംഗമായെൻ 
കാമനകളെ തൊട്ടുണർത്തി? 
എന്തിനെൻ സ്വപ്നങ്ങളിൽ 
മാരിവില്ലിൻ നിറങ്ങൾ ചാർത്തി? 

ഇന്നുമെൻ പ്രണയാർദ്ര 
ചിന്തകളിൽ 
നീമാത്രമോമലേ 
നിറഞ്ഞു നിൽപ്പൂ 
വിരഹാർദ്ര വീണാനാദമായ്‌ 
വിതുമ്പി നിൽപ്പൂ. 

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക