രണ്ട് കൊട്ടാര വർത്തമാനങ്ങൾ : കുമാരി എൻ കൊട്ടാരം

കൊട്ടാരവർത്തമാനം - 1

" ചിലർ ഓഫീസുകളിൽ നിന്ന് പോകുന്നത് സ്ഥിരമായി പിൻവാതിലിലൂടെയാണല്ലോ. അതെന്താ ?.''

" എളുപ്പത്തിന് ആ വഴി ഉപയോഗിക്കുന്നെന്നേയുള്ളു. "

" പിൻവാതിലിനോടുള്ള പ്രിയം നല്ലതിനല്ല എന്നവരോട് പറഞ്ഞേക്ക്"

"പറഞ്ഞോളാമേ"

(അവരൊക്കെ അകത്തു വന്നതും പിൻവാതിലിലൂടെയാണെന്ന് അറിയാത്തതു

ഭാഗ്യം)

"മന്ത്രിയുടെ ഒരു ബന്ധുവിനെയും കണ്ടു കേട്ടോ."

(അപ്പോൾ അറിയാഞ്ഞല്ല )

കൊട്ടാരവർത്തമാനം - 2

" സേവകനെന്താ ചാക്കിൽ ചുമന്നുകൊണ്ടുവരുന്നത്?"

"ഇത് നിറയെ കത്തുകളാണ് പ്രഭോ "

" കത്തുകളോ?!" "ങ്ഹാ .ശുപാർശക്കത്തുകൾ! കൊട്ടാരത്തിലെ താല്ക്കാലിക ജീവനക്കാരെ സ്ഥിരപ്പെടുത്താൻ വേണ്ടിയുള്ളത്. "

"ഓഹോ. ഒരു കാര്യം ചെയ്യ് ആ കത്തെഴുതിയവരോടെല്ലാം നാളെത്തന്നെ ഇവിടെ ഹാജരാകാൻ പറയൂ "

"എന്തിന്?

" കത്തിൻ്റെ ഉടമകൾ പരസ്പരം ഒന്നു കണ്ടിരിക്കട്ടെ."

( എന്നിട്ട് അവർ തമ്മിലടിക്കട്ടെ.)