ന്യൂയോർക്കിലെ ആശുപത്രികളിൽ കോവിഡ് രോഗികളുടെ എണ്ണം 5,000- ത്തിൽ താഴെ
ഐഡഹോയിൽ പ്രതിഷേധസൂചകമായി ആളുകൾ മാസ്ക് കത്തിച്ചു
കോവിഡിനെ നാം പിടിച്ചു കെട്ടിയോ? രോഗബാധ കുറയുന്നു
വാഷിംഗ്ടൺ, മാർച്ച് 7: 85 മില്യണിലധികം വാക്സിൻ ഡോസുകൾ നൽകിയിട്ടുള്ളതിനാൽ, പുതിയ കോവിഡ് കേസുകളിലും, മരണങ്ങളിലും, ആശുപത്രിയിൽ പ്രവേശിതരാകുന്ന രോഗികളുടെ എണ്ണത്തിലും അമേരിക്കയിൽ നിരക്കിൽ ഗണ്യമായ കുറവ് തുടരുകയാണ്.
യുഎസ് സെന്റർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിസി) ഒടുവിൽ പുറത്തുവിട്ട കണക്കുകൾ പ്രകാരം, 66,481 പുതിയ കേസുകളും 1,840 മരണങ്ങളും വ്യാഴാഴ്ച റിപ്പോർട്ട് ചെയ്തു.
പുതുതായി റിപ്പോർട്ട് ചെയ്യപ്പെട്ട കേസുകളുടെ ഏഴു ദിവസത്തെ ശരാശരി ജനുവരി 11 ന് ശേഷം തുടർച്ചയായി 43 ദിവസങ്ങളിലും കുറവ് രേഖപ്പെടുത്തിയതായും സിഡിസി ഡാറ്റ കാണിക്കുന്നു. മരണങ്ങളുടെ ഏഴ് ദിവസത്തെ ശരാശരി ജനുവരി 13 ന് ശേഷം 43.1 ശതമാനം കുറഞ്ഞതായും സിഡിസി റിപ്പോർട്ട് ചെയ്യുന്നു.
മുൻ ആഴ്ചയുമായി താരതമ്യം ചെയ്യുമ്പോൾ, ഈ ആഴ്ചയിലെ ശരാശരി ആശുപത്രി പ്രവേശനങ്ങളുടെ എണ്ണം 14.8 ശതമാനം കുറഞ്ഞു.
സാധാരണരീതിയിൽ പ്രവർത്തനങ്ങൾ പുനരാരംഭിക്കുന്നതിന് മുമ്പ് കൊറോണ വൈറസ് കേസുകളുടെ അടിസ്ഥാന നില ഇനിയും കുറയേണ്ടതുണ്ടെന്നാണ് ഡോ.അന്റോണി ഫൗച്ചിയുടെ അഭിപ്രായം.
വെള്ളിയാഴ്ച വരെ 114 മില്യണിലധികം വാക്സിൻ ഡോസുകൾ അമേരിക്കയിൽ വിതരണം ചെയ്യുകയും 85 മില്യണിലധികം ഡോസുകൾആളുകൾ സ്വീകരിക്കുകയും ചെയ്തതായി സിഡിസി ഡാറ്റ കാണിക്കുന്നു.
ഉയർന്നുവരുന്ന കൊറോണ വൈറസ് വകഭേദങ്ങൾക്കിടയിലും മാസ്ക് മാൻഡേറ്റുകൾ ഉപേക്ഷിക്കാനുള്ള തീരുമാനങ്ങൾ കൂടുതൽ യുഎസ് സംസ്ഥാനങ്ങൾ പ്രഖ്യാപിച്ചതിനെ വിദഗ്ധർ രൂക്ഷമായി വിമർശിച്ചു. കൊറോണ വൈറസ് വകഭേദങ്ങളുടെ 2,753 കേസുകളാണ് വ്യാഴാഴ്ച വരെ അമേരിക്കയിൽ റിപ്പോർട്ട് ചെയ്യപ്പെട്ടിട്ടുള്ളത്.
യു കെയിൽ ആദ്യമായി കണ്ടെത്തിയ B.1.1.7 എന്നറിയപ്പെടുന്ന വേരിയന്റാണ് കൂടുതലും സ്ഥിരീകരിക്കപ്പെട്ടത്. 2672 കേസുകൾ യു കെ വകഭേദം മൂലം അമേരിക്കയിൽ റിപ്പോർട്ട് ചെയ്തെന്നാണ് കണക്കുകൾ പറയുന്നത്. ദക്ഷിണാഫ്രിക്കയിൽ കണ്ടെത്തിയ B.1.351 വേരിയന്റിന്റെ 68 കേസുകളും, ബ്രസീലിൽ കണ്ടെത്തിയ P.1 ന്റെ 13 കേസുകളുമാണ് സ്ഥിരീകരിച്ചിട്ടുള്ളത്.
കാലിഫോർണിയ, ന്യൂയോർക്ക് തുടങ്ങിയ സ്ഥലങ്ങളിലുള്ള ചില ആശങ്കാകുലമായ വകഭേദങ്ങളെക്കുറിച്ചും വിദഗ്ദ്ധർ ആശങ്കാകുലരാണ്.
കാലിഫോർണിയയിലെ B.1.427 / B.1.429 എന്നറിയപ്പെടുന്ന ഈ വകഭേദം അതിന്റെ മുൻഗാമികളേക്കാൾ എളുപ്പത്തിൽ വ്യാപിക്കുകയും ഇപ്പോൾ സംസ്ഥാനത്ത് ആധിപത്യം പുലർത്തുകയും ചെയ്യുന്നതായി സാൻഫ്രാൻസിസ്കോയിലെ കാലിഫോർണിയ സർവകലാശാലയിലെ ശാസ്ത്രജ്ഞർ അഭിപ്രായപ്പെടുന്നു.
വകഭേദങ്ങൾ കൂടുതൽ കഠിനമായ രോഗത്തിന് കാരണമാകുമോ അതോ നിലവിൽ അനുമതി ലഭിച്ച വാക്സിനുകൾ കൊണ്ട് തടുക്കാൻ സാധിക്കുമോ എന്ന് നിർണ്ണയിക്കാൻ പഠനങ്ങൾ നടക്കുന്നുണ്ടെന്ന് സിഡിസി റിപ്പോ
ന്യൂയോർക്കിലെ ആശുപത്രികളിൽ കോവിഡ് രോഗികളുടെ എണ്ണം 5,000- ത്തിൽ താഴെ
ന്യൂയോർക്കിലെ ആശുപത്രികളിൽ പ്രവേശിതരായ കോവിഡ് രോഗികളുടെ എണ്ണം മൂന്നുമാസത്തിനിടെ ആദ്യമായി 5,000- ത്തിൽ താഴെ എത്തി.
വെള്ളിയാഴ്ച ആശുപത്രികളിൽ പ്രവേശിതരായ കോവിഡ് രോഗബാധിതർ 4,954 ആയിരുന്നു, ഡിസംബർ എട്ടിന് ശേഷമുള്ള ഏറ്റവും താഴ്ന്ന നിരക്കാണിതെന്ന് ഗവർണർ ആൻഡ്രൂ കോമോ ശനിയാഴ്ച വ്യക്തമാക്കി.
സംസ്ഥാനത്തൊട്ടാകെയുള്ള കൊറോണ വൈറസ് പോസിറ്റിവിറ്റി നിരക്ക് വെള്ളിയാഴ്ച 2.80 ശതമാനമായി കുറഞ്ഞു, നവംബർ 21 ന് ശേഷമുള്ള ഏറ്റവും താഴ്ന്ന നിരക്കാണിത്. ഏഴ് ദിവസത്തെ ശരാശരി നിരക്ക് സംസ്ഥാനത്ത് 3.15 ശതമാനവും ന്യൂയോർക്ക് സിറ്റിയിൽ 3.94 ശതമാനവുമായിരുന്നു.
അഞ്ച് ബറോകളിലെ 43 താമസക്കാരുടേത് ഉൾപ്പെടെ 78 കോവിഡ് മരണങ്ങളാണ് വെള്ളിയാഴ്ച രേഖപ്പെടുത്തിയത്.
ഐഡഹോയിൽ പ്രതിഷേധസൂചകമായി ആളുകൾ മാസ്ക് കത്തിച്ചു
കൊറോണ വൈറസുമായി ബന്ധപ്പെട്ട് ദൈനംദിന ജീവിതത്തിലെ ക്ലേശങ്ങളെക്കുറിച്ചുള്ള നിരാശ തുടരുന്നതിനാൽ, ഐഡഹോയിലെ പ്രതിഷേധക്കാർ സംസ്ഥാന തലസ്ഥാനത്ത് ശനിയാഴ്ച മാസ്ക് കത്തിക്കുന്ന പരിപാടി സംഘടിപ്പിച്ചു. അവരെ പിന്തുണച്ചുകൊണ്ട് സംസ്ഥാന നിയസഭയിൽ നിന്നുള്ള മൂന്ന് പ്രതിനിധികളും ലഫ്റ്റനന്റ് ഗവർണർ ജാനീസ് മക്ഗീച്ചിനും രംഗത്തുണ്ടായിരുന്നുവെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു.
സർക്കാരിനെ തെറ്റായ നയങ്ങൾ കൈക്കൊള്ളുന്നതിൽ നിന്ന് പിന്തിരിപ്പിക്കുകയും റിപ്പബ്ലിക്കൻ ഭരണകൂടത്തിന് സമാനമായി സന്തുലിതാവസ്ഥയുള്ള ഒരു സർക്കാർ പുനഃസ്ഥാപിക്കുകയാണ് ലക്ഷ്യമെന്ന് പ്രതിഷേധത്തിന്റെ സംഘാടകനായ ഡാർ മൂൺ ട്വിറ്റർ വീഡിയോയിലൂടെ പറഞ്ഞു.
ചെറിയ വേസ്റ്റ് ബിന്നിൽ മാസ്കുകൾ ഇട്ട് കത്തിക്കുന്നത്, ട്വിറ്ററിൽ പോസ്റ്റ് ചെയ്ത ദൃശ്യങ്ങളിൽ കാണാം. പ്രതിഷേധക്കാരിൽ ഒരാൾ പ്രസിഡന്റ് ജോ ബൈഡന്റെ ചിത്രവും കത്തിച്ചതിന്റെ വീഡിയോ സമൂഹ മാധ്യമങ്ങളിൽ പ്രചരിക്കുന്നുണ്ട്. പ്രതിഷേധക്കാരിൽ പലരും ഒപ്പം കുട്ടികളെയും കൂട്ടിയിരുന്നു.
മാസ്ക് മാൻഡേറ്റുകൾ നിയമവിരുദ്ധമാക്കുന്നതിനുള്ള ബിൽ കഴിഞ്ഞ ആഴ്ച ഐഡഹോ നിയമസഭാംഗങ്ങൾ അവതരിപ്പിച്ചിരുന്നു. നിലവിൽ സംസ്ഥാനവ്യാപകമായി മാസ്ക് ആവശ്യമില്ലെങ്കിലും, 11 ഐഡഹോ കൗണ്ടികളിൽ ഏഴിലും മാസ്ക്നിഷ്കർഷിക്കുന്ന നിയമം പ്രാബല്യത്തിൽ ഉണ്ടെന്ന് അസോസിയേറ്റഡ് പ്രസ് റിപ്പോർട്ട് ചെയ്യുന്നു.