ഉപരാഷ്ട്രപതി തെരഞ്ഞെടുപ്പ് ഓഗസ്റ്റ് ഏഴിന്

ന്യൂഡല്‍ഹി: ഉപരാഷ്ട്രപതി തെരഞ്ഞെടുപ്പ് തീയതി തെരഞ്ഞെടുപ്പ് കമ്മീഷന്‍ പ്രഖ്യാപിച്ചു. ഓഗസ്റ്റ് ഏഴിന് തെരഞ്ഞെടുപ്പ് നടക്കും. ജൂലൈ ആറിന് വിജ്ഞാപനം പുറപ്പെടുവിക്കും. ജൂലൈ 20-നാണ് നാമനിര്‍ദ്ദേശ പത്രിക സമര്‍പ്പിക്കേണ്ട അവസാന തീയതി. സൂക്ഷ്മ പരിശോധന 21-ന് നടക്കും. നാമനിര്‍ദ്ദേശ പത്രിക പിന്‍വലിക്കേണ്ട അവസാന തിയതി ജൂലൈ 23 ആണ്. ഉപരാഷ്ട്രപതി ഹമിദ് അന്‍സാരിയുടെ കാലാവധി ഓഗസ്റ്റ് 10-നാണ് അവസാനിക്കുന്നത്.