ശ്രീനഗര്: വടക്കന് കാഷ്മീരിലെ കുപ്വാര ജില്ലയില് പാക്കിസ്ഥാന് പരിശീലനം ലഭിച്ച തീവ്രവാദിയെ പോലീസ് അറസ്റ്റ് ചെയ്തു. മുഹമ്മദ് ജമാല് ബട്ട് എന്ന ഭീകരനാണ് പിടിയിലായത്. മേഖലയില് പോലീസ് വാഹന പരിശോധന നടത്തുന്നതിനിടെയാണ് ഇയാള് പിടിയിലായത്. ഇയാള്ക്ക് പാക്ക് തീവ്രവാദ സംഘടനയില് നിന്നും ആയുധ പരിശീലനം ലഭിച്ചിട്ടുണ്ടെന്ന് പോലീസ് അറിയിച്ചു. കഴിഞ്ഞ ദിവസം ഹന്ഡവാര മേഖലയില് നിന്നും പാക്ക് പരിശീലനം ലഭിച്ച മൂന്ന് ഭീകരര് അറസ്റ്റിലായിരുന്നു.