ലണ്ടന്: ഒളിമ്പിക്സ് ഷൂട്ടിംഗിലെ ഇന്ത്യയുടെ മെഡല് പ്രതീക്ഷകള് അവസാനിച്ചു. 50 മീറ്റര് റൈഫിള്-3 പൊസിഷനില് മെഡല് പ്രതീക്ഷയായിരുന്ന ഗഗന് നരംഗും സഞ്ജീവ് രാജ്പുത്തും ട്രാപ്പ് ഇനത്തില് മാനവ്ജിത്സിംഗ് സന്ധുവും പ്രാഥമിക റൗണ്ടില് തന്നെ പുറത്തായി.
10 മീറ്റര് എയര്റൈഫിളില് വെങ്കലമണിഞ്ഞ ഗഗന് നരംഗ് 50 മീറ്റര് റൈഫിള് 3 പൊസിഷനില് തീര്ത്തും നിരാശപ്പെടുത്തി. വലിയ പ്രതീക്ഷയുണ്ടായിരുന്ന നരംഗ് 20ാമതാണ് ഫിനിഷ് ചെയ്തത്. മറ്റൊരു ഇന്ത്യന് പ്രതിനിധിയായ സഞ്ജീവ് രാജ്പുത് ഇരുപത്തിയഞ്ചാമനായാണ് ഫിനിഷ് ചെയ്തത്. ട്രാപ്പിനത്തില് മാനവ്ജിത്സിംഗ് സന്ധുവിന് 15ാമതെത്താനേ കഴിഞ്ഞുള്ളൂ.