ന്യൂഡല്‍ഹി: ഇംപീച്ച്‌മെന്റ്‌ നടപടി നേരിടുന്ന കൊല്‍ക്കത്ത ഹൈക്കോടതി ജഡ്‌ജി ജസ്റ്റിസ്‌ സൗമിത്ര സെന്നിന്റെ രാജി രാഷ്ട്രപതി പ്രതിഭാ പാട്ടീല്‍ സ്വീകരിച്ചു. ഇന്ന്‌ അദ്ദേഹം സ്വന്തം കൈപ്പടയില്‍ എഴുതി നല്‍കിയ രാജിയാണ്‌ സ്വീകരിച്ചത്‌. നേരത്തെ രാജി ഫാക്‌സ്‌ ചെയ്‌തിരുന്നു.

ഇന്ന്‌ ജസ്റ്റിസ്‌ സെന്നിന്റെ അഭിഭാഷകന്‍ രാഷ്ട്രപതി ഭവനിലെത്തിയാണ്‌ രണ്ടാമത്‌ രാജിക്കത്ത്‌ കൈമാറിയത്‌. ജസ്റ്റിസ്‌ സെന്നിനെതിരായ കുറ്റവിചാരണാ നടപടികള്‍ തുടരാമെന്ന്‌ ആറ്റോര്‍ണി ജനറല്‍ കേന്ദ്രത്തിന്‌ നിയമോപദേശം നല്‍കിയിരുന്നു.