ന്യൂയോര്‍ക്ക്‌: മലയാളി അസോസിയേഷന്‍ ഓഫ്‌ റോക്ക്‌ലാന്റ്‌ കൗണ്ടിയുടെ (മാര്‍ക്ക്‌) ഓണാഘോഷം സെപ്‌റ്റംബര്‍ പത്താംതീയതി വിഭവസമൃദ്ധമായ ഓണസദ്യയോടും, വൈവിധ്യമാര്‍ന്ന കലാപരിപാടികളോടുംകൂടി ക്ലാര്‍ക്ക്‌സ്‌ ടൗണ്‍ റിഫോം ചര്‍ച്ചില്‍ (107 Straw Town Road, Westnayak, NY 10994) വെച്ച്‌ നടത്തപ്പെടുന്നു.

ശനിയാഴ്‌ച ഉച്ചയ്‌ക്ക്‌ 11.30-ന്‌ ഓണസദ്യ, തുടര്‍ന്ന്‌ അത്തപ്പൂക്കളം, ചെണ്ടമേളത്തിന്റേയും മുത്തുക്കുടകളുടേയും, താലപ്പൊലിയുടേയും അകമ്പടിയോടെ മാവേലി മന്നന്‌ വരവേല്‍പ്പ്‌, തിരുവാതിരകളി, വൈവിധ്യമാര്‍ന്ന നൃത്തനൃത്യങ്ങള്‍ എന്നിവ അരങ്ങേറും. റോക്ക്‌ലാന്റ്‌ കൗണ്ടിയിലും പരിസര പ്രദേശങ്ങളിലുമുള്ള എല്ലാ മലയാളി സുഹൃത്തുക്കളേയും മാര്‍ക്കിന്റെ ഓണാഘോഷ പരിപാടികളിലേക്ക്‌ ക്ഷണിക്കുന്നതായി ഭാരവാഹികള്‍ അറിയിച്ചു.

കൂടുതല്‍ വിവരങ്ങള്‍ക്ക്‌ ബന്ധപ്പെടുക: ഗോപിനാഥ കുറുപ്പ്‌ (845 548 3938), തോമസ്‌ അലക്‌സ്‌ (പ്രസിഡന്റ്‌) 845 893 4301, എല്‍സി ജൂബ്‌ (സെക്രട്ടറി) 845 642 4396), ജോസ്‌ അക്കക്കാട്ട്‌ (ട്രഷറര്‍) 845 461 1052.