ന്യൂഡല്‍ഹി: രാജിവെച്ച കല്‍ക്കത്ത ഹൈകോടതി ജഡ്ജി സൗമിത്ര സെന്നിനെതിരെ ലോക്‌സഭയില്‍ ഇന്ന് നടക്കാനിരിക്കുന്ന ഇംപീച്ച്‌മെന്റ് നടപടി ലോക്‌സഭ ഉപേക്ഷിച്ചു. ധനമന്ത്രി പ്രണബ് മുഖര്‍ജി നിയമമന്ത്രി സല്‍മാന്‍ ഖുര്‍ഷിദ്, പാര്‍ലമെന്റികാര്യ മന്ത്രി പവന്‍കുമാര്‍ ബന്‍സല്‍ എന്നിവരുമായി നടത്തിയ ചര്‍ച്ചയിലാണ് തീരുമാനമുണ്ടായത്.

സെന്നിന്റെ രാജിക്കത്ത് രാഷ്ട്രപതി പ്രതിഭാ പാട്ടീല്‍ അംഗീകരിച്ചതായി നിയമമന്ത്രാലയം ഞായറാഴ്ച രാത്രി തിരക്കിട്ട് വിജ്ഞാപനം പുറപ്പെടുവിപ്പിച്ചതിന്റെ അടിസ്ഥാനത്തിലാണ് ഇംപീച്ച്‌മെന്റ് നടപടികള്‍ ലോക്‌സഭ ഉപേക്ഷിച്ചത്. ഹൈദരാബാദില്‍ നിന്ന് ഞായറാഴ്ച രാത്രി ഡല്‍ഹില്‍ മടങ്ങിയെത്തിയ രാഷ്ട്രപതി ഉടന്‍തന്നെ വിജ്ഞാപനത്തില്‍ ഒപ്പുവെക്കുകയായിരുന്നു.