റ്റാമ്പാ : റ്റാമ്പായിലും പരിസരത്തും അധിവസിക്കുന്ന മലയാളികളുടെ സാംസ്കാരിക
സംഘടനയായ സെന്ട്രല് ഫ്ളോറിഡ മലയാളി അസോസിയേഷന്റെ 21-ാമത് ഓണാഘോഷം ഈ
വര്ഷം അതിവിപുലമായി നടത്തുന്നു. സെപ്റ്റംബര് 10-ാം തീയതി
വാള്റിക്കോയിലുള്ള ക്നാനായ കാത്തലിക്ക് കമ്മ്യൂണിറ്റി സെന്റ്റില്
വെച്ച് (2620, Washington RD, Valrico, Fl) ഉച്ചക്ക് 12.30 ന് ആരംഭിക്കുന്നതാണ്.
16 ഇന വിഭവങ്ങളോടുകൂടിയ ഓണസദ്യ ഉച്ചക്ക് 12.30 മുതല് 2 മണിവരെ
ഉണ്ടായിരിക്കുന്നതാണ്. 2 മണി മുതല് മുത്തുകുട, താലപ്പൊലി, കാവടി,
വെഞ്ചാമരം, കുട്ടികളുടേയും മുതിര്ന്നവരുടേയും ചെണ്ടമേളം പുലികളി
തുടങ്ങിയവയോടു കൂടി മാവേലിമന്നനെ ആനയിച്ചു കൊണ്ടുള്ള ഘോഷയാത്ര
ഉണ്ടായിരിക്കുന്നതാണ്. തുടര്ന്ന് സാംസ്കാരിക സമ്മേളനം
നടത്തപ്പെടുന്നതാണ്. സമ്മേളനത്തില് വെച്ച് പ്രശസ്ത ആത്മീയ ആചാര്യന് ശ്രീ
സ്വാമി ബോദ്ദി തീര്ത്ഥ ഈ വര്ഷത്തെ ഓണാഘോഷം ഔപചാരികമായി ഉത്ഘാടനം
ചെയ്യുന്നതും ഓണസന്ദേശം നല്കുന്നതുമാണ്. തുടര്ന്നു വിവിധയിനം
കലാപരിപാടികള് വേദിയില് അരങ്ങേറുന്നതാണ്.
നോര്ത്ത് അമേരിക്കയിലെ മുന്നിര മലയാളി അസോസിയേഷനുകളില് ഒന്നായ
എം.എ.സി.എഫിന്റെ ഈ വര്ഷത്തെ ഓണാഘോഷം ഗംഭീരമാക്കി തീര്ക്കുവാന്
റ്റാമ്പായിലും പരിസരത്തുമുള്ള എല്ലാ മലയാളികളേയും സാന്നിധ്യ സഹകരണങ്ങള്
സാദരം ക്ഷണിക്കുന്നു.
കൂടുതല് വിവരങ്ങള്ക്ക് പ്രസിഡന്റ് സണ്ണി
മറ്റമന(813-334-1293) സെക്രട്ടറി ലൂമോന് തറയില് (813-325-7546)
സണ്ണി മറ്റമന
ലൂമോന് തറയില്